OPKP PART 5

Also Read
PART 1
PART 2
PART 3
PART 4 

5

ക്ലോക്കിൽ 10 അടിച്ചപ്പോൾ അർജുനൻ നമ്പൂതിരി തട്ടിപ്പിടഞ്ഞെഴുന്നേറ്റു. അടുത്ത് കിടന്നിരുന്ന ന്റെ കേരളത്തെ കുലുക്കി വിളിച്ചു...

ന്താ കഥ! ചന്തീലു വെയില് അടിക്കുന്നറിയാതെ കിടന്നങ്ങട് ഉറങ്ങിപ്പോയല്ലോ... ശിവ ശിവ! ഇല്ലത്ത് എങ്ങാനും ആയിരുന്നെങ്കില് ഇപ്പൊ അഫൻ നമ്പൂരിയുടെ വായീന്ന് കേൾക്കാൻ ഇനിയൊന്നും ...

ന്താ തിരുമേനീ ഉറക്കം സുഖയില്ലേ?? മുറിയിലേക്ക് കയറിവന്ന സാത്ത് ചോദിച്ചു...

കിടന്നങ്ങട് ഉറങ്ങിപ്പോയെ.... ഇന്നലെ മേളത്തോട് മേളം ആയിരുന്നല്ലോ...ഒരു കഥകളി കണ്ട അനുഭവം...! അത് പോട്ടെ...ഇതെന്താ? ആരും പോകുന്നില്ലേ? ചുംബനസമരം കാണാൻ?

എന്റെ കേരളം എഴുന്നേറ്റ് കണ്ണ് തിരുമ്മിക്കൊണ്ട് പറഞ്ഞു: നശിപ്പിച്ചല്ലോ തിരുമേനി...! ഒരു ചൂടു ചുംബനം ഇങ്ങനെ ക്ലിക്ക് ആയി വരുകയായിരുന്നൂ... അതിനിടയ്ക്കാ ...

സാത്ത്: പുലർച്ചെ കാണുന്ന സ്വപ്നം ഫലിക്കൂന്നാണ് വിശ്വാസം...

അർജുനൻ നമ്പൂതിരി: പക്ഷെ കയ്യ്യീന്നു പോയി. ഫലിക്കണം എങ്കില് അതാരോടും പറയാൻ പാടില്ല്യാ... താനാണെങ്കില് അതിങ്ങട് വിളമ്പിത്തരുകേം ചെയ്തു...

എന്റെ കേരളം: അങ്ങിനെ ഒരു തത്വം ഞാൻ കേട്ടിട്ടില്ലല്ലോ...തിരുമേനീ...  If there is a will, there is a way എന്നല്ലേ... അപ്പൊ ഒരുങ്ങിക്കളയാം...

സാത്ത്: എടോ ഈക്കെ... താൻ ഇവിടെ വന്നു കൂടിയിരിക്കുന്നത് ചുംബന സമരം എന്നൊക്കെ പറഞ്ഞു തെണ്ടിത്തിരിയാനോ അതോ തിരക്കഥ എഴുതാനോ?

എന്റെ കേരളം: സാത്ത് സർ ഒന്ന് മനസ്സിലാക്കണം. ഒരു കലാകാരൻ ... അവൻ കലാകാരനാവുന്നത് പൊള്ളുന്ന ജീവിത യാഥാർഥ്യങ്ങളിലൂടെ കടന്നു പോകുമ്പോഴാണ്...

സാത്ത്: തന്നെ പറഞ്ഞിട്ട് കാര്യമില്ല...ഇന്ന് ലൊക്കേഷൻ സർച്ചിനു എന്റെ കൂടെ വരാൻ ഒരാള് വേണം... ബാലേട്ടനെ കിട്ടുമോ എന്ന് നോക്കട്ടെ....

പെട്ടന്ന് നമ്പൂതിരി ചോദിച്ചു: അല്ല സാത്ത് സാറേ... ഒരു സംശയം. നമ്മുടെ ഇടയിൽ മറ്റേതു പരത്തുന്നൂ ഇന്നലെ വന്ന മന്ത്രവാദി പറഞ്ഞത് ആരെ കുറിച്ച് ആയിരിക്കും?

സാത്ത്: മറ്റേതോ?

എന്റെ കേരളം: ഹഹഹ നെഗറ്റീവിറ്റി. അതല്ലേ തിരുമേനി ഉദ്ദേശിച്ചേ?

നമ്പൂതിരി: അതന്നെ! ആരായിരിക്കും ആ ശുംഭൻ?

എന്റെ കേരളം: ഭ്രാന്ത്. കാണുന്നതിൽ എല്ലാം നെഗറ്റീവിറ്റി കണ്ടുപിടിക്കുന്നവര് തന്നെയാ ഈ ലോകത്തിലെ ഏറ്റവും വലിയ നെഗറ്റീവ് എലെമന്റ്സ്. സാത്ത് സാർ ചിലപ്പോ എതിർത്തേക്കാം - എന്നാലും ഒരു കാര്യം പറഞ്ഞോട്ടെ?

സാത്ത്: എന്താടോ?

എന്റെ കേരളം: ഇന്നലെ താങ്കള് കൊണ്ടുവന്ന ആ ആള് ശരിയല്ല... അയാളെ സൂക്ഷിക്കണം. അല്ല, നമ്മുടെ ചാരന് എങ്ങിനെ ഉണ്ട്?

സാത്ത്: നിങ്ങളുടെ കൂടെ വരുന്നില്ല, ഇവിടെ ഇരുന്നോളാം എന്നൊക്കെ പറഞ്ഞു -- എഴുന്നേറ്റപ്പോൾ. പിന്നെ ബാലേട്ടൻ നിർബ്ബന്ധിച്ചപ്പൊൾ റെഡി ആവാൻ തുടങ്ങിയിട്ടുണ്ട്.

നമ്പൂതിരി: അത് നന്നായി. അല്പ്പം ശുദ്ധവായു ശ്വസിക്കട്ടെ പാവം. അല്ല... എന്ത് സ്വപ്നാ അങ്ങേരു കണ്ടത് എന്ന് വല്ലോം വിശദമായി പറഞ്ഞോ?

സാത്ത്: ബാലേട്ടൻ എന്തൊക്കെയോ ചോദിക്കുന്നത് കേട്ടു. ആ നമ്പൂതിരീ.. താൻ വരുന്നോടോ ലൊക്കേഷൻ സർച്ചിനു?

നമ്പൂതിരി: സാത്ത് സാർ sorry .... ഇവിടെ ഒന്ന് സെറ്റില് ആവട്ടെ.. നാളെ മുതല് നോം നിഴല് പോലെ അങ്ങയുടെ കൂടെ ണ്ടാവും... അതച്ചട്ടാ...

തിരുമെനിയായി, തിരുമേനിയുടെ പാടായി... ഞാൻ റെഡി ആവട്ടെ - എന്റെ കേരളം എഴുന്നേറ്റു...

ഇറങ്ങാൻ നേരം അഷ്ഫർ നമ്പൂതിരിയുടെ അടുത്തേക്ക് വന്നു.

തിരുമേനി എവിടെ എങ്കിലും പോകാൻ വല്ല പ്ലാനും?

ഇല്ല്യ... ഞാൻ ഇവിടെ തന്നെ കാണും.

തിരുമേനി ഒന്ന് സൂക്ഷിക്കണം. നമ്മുടെ ബാഗ് ഇവിടെ തന്നെ ഉണ്ട്. തിരിച്ചു വന്നിട്ട് പോലീസിനെ ഏൽപ്പിക്കാമെന്നാ തീരുമാനം. വരുന്നത് വരട്ടെ....

ഉവ്വ്... നോം ശ്രദ്ധിച്ചോളാം ... പേടിക്കണ്ട...

 *********************

എല്ലാവരും ഇറങ്ങിയപ്പോൾ കുറേ നേരം നമ്പൂതിരി വെറുതെ കിടന്നു. പിന്നെ മുറികളിലൂടെ വെറുതെ ചുറ്റി നടന്നു.

ബാൽക്കണിയിൽ നിന്നപ്പോൾ താഴെ സ്വിമ്മിംഗ് പൂളിൽ രണ്ടു തരുണീമണികൾ  നീന്തിത്തുടിക്കുന്നു..!!

നമ്പൂതിരി കുറച്ചു സമയം നോക്കി നിന്നൂ.. കേമായിട്ടുണ്ട് ... ശാന്തം..പാപം! പട്ടണക്കാഴ്ചകൾ! നോക്കി അങ്ങട് നിക്കുമ്പോ ഒരു ഹരം-ക്കെ തോന്നണുണ്ട് ...!

പക്ഷെ ഇത് നോക്കി നിന്നാൽ കാര്യം നടക്കില്ലല്ലോ... !

അയാളുടെ മുഖത്ത് ഒരു പുഞ്ചിരി വിടർന്നു.

അയാൾ തന്നോട് തന്നെ പതുക്കെ പറഞ്ഞു: തിരുമേനി കലക്കീട്ടോ...അഭിനയം കെങ്കേമം ...! പക്ഷേ വേഷം അഴിച്ചു വയ്ക്കാൻ നേരായിരിക്കുന്നൂ...

വെള്ള മുണ്ടും ഷർട്ടും ഹ്യൂഗോ ബോസ്സ് ഡിസയിനർ സ്യൂട്ടിനു വഴി മാറട്ടെ... തലമുടിയിലെ കാച്ചിയ വെളിച്ചെണ്ണയുടെ മണം ...അതാണ്‌ സഹിക്കാൻ പറ്റാത്തത്... കഴുകിക്കളയട്ടെ...

കുളിച്ച് വസ്ത്രം മാറിയതിനു ശേഷം അയാൾ അഷ്ഫർ പറഞ്ഞ അലമാരക്ക് മുന്നിൽ വന്ന് ഒരു നിമിഷം നിന്നു. പിന്നെ അത് വലിച്ചു തുറന്നു...

ആ നീല ബാഗ് .. അത് കടന്നെടുത്തു. പിന്നെ ഫ്ലാറ്റ് പൂട്ടി പുറത്തേക്ക് നടന്നു.

സെക്ക്യൂരിറ്റി കാബിനു സമീപം നിന്നിരുന്ന ഗാർഡ് ത്രിവിക്രമൻ ഒരു നിമിഷം ഞെട്ടി...

കോട്ടും സ്യൂട്ടും ധരിച്ച ഒരു ചെറുപ്പക്കാരൻ ഗേറ്റിനു നേരെ നടന്നു വരികയാണ്...എല്ലാവരുടെയും ശ്രദ്ധ ആകർഷിച്ചു കൊണ്ട് അയാൾ അങ്ങിനെ വരികയാണ്.. !ഹിന്ദി സിനിമാനടൻ വല്ലതുമാണോ? ചിലപ്പോ ആയിരിക്കും...ഇതിനു മുമ്പ് കണ്ടിട്ടില്ല... ! കൈയ്യിൽ ഒരു നീല ബാഗ്‌. 

 ആ ചെറുപ്പക്കാരൻ ത്രിവിക്രമനെ ഒന്നു നോക്കി....ത്രിവിക്രമൻ ഒന്ന് ചൂളിപ്പോയി. അയാൾ ഒന്നും ചോദിക്കാതെ പെഡസ്ട്രിയൻ ഗേറ്റ് തുറന്നു കൊടുത്തു...

പുറത്തേക്കിറങ്ങിയ ചെറുപ്പക്കാരന്റെ മുന്നിലേക്ക് പെട്ടന്ന് ഒരു വാഹനം ഒഴുകി വന്നു. ഇപ്പോഴാണ് ത്രിവിക്രമൻ ശരിക്കും ഞെട്ടിയത്...

ദൈവമേ ജാഗ്വോർ XF സലൂണ്‍.ഇതിനു ചുരുങ്ങിയത് ഒരു 80 ലക്ഷം രൂപ എങ്കിലും കാണും. കാറുകളുടെ കാര്യത്തിൽ ത്രിവിക്രമൻ ഒരു വിക്കിപീഡിയ തന്നെയാണ്...

ഡ്രൈവർ പുറത്ത് ഇറങ്ങി ഭവ്യതയോടെ പുറകിലെ വാതിൽ തുറന്നു കൊടുത്തു... പക്ഷെ ഡ്രൈവറുടെ കയ്യിൽ നിന്നും കീ വാങ്ങി ചെറുപ്പക്കാരൻ ഡ്രൈവിംഗ് സീറ്റിലേക്ക് കയറി. കാർ കുതിച്ചു പാഞ്ഞു.

************************

മറൈൻ ഡ്രൈവിന്റെ അടുത്ത് എല്ലാരെയും ഇറക്കിയതിനു ശേഷം എന്റെ കേരളം വണ്ടി തിരിച്ചു.

ചാരൻ ചോദ്യഭാവത്തിൽ നോക്കി. ബാലേട്ടൻ ചോദിച്ചു: എങ്ങോട്ടാ....

ഒരു ചെറിയ പ്രശ്നമുണ്ട്...

എന്ത് പ്രശ്നം? അഷ്ഫർ ചോദിച്ചു.

എന്റെ കേരളം: അതേ നമ്മൾ ഇങ്ങോട്ട് വരുന്ന വഴിയില് ഒരു ലേഡി നിക്കുന്നുണ്ടായിരുന്നൂ... നിങ്ങളാരേലും ശ്രദ്ധിച്ചോ?

ബാലേട്ടൻ: ഇല്ലാ..!

എന്റെ കേരളം: അതേ .. ഞാൻ ശ്രദ്ധിച്ചു. ഞാൻ പറഞ്ഞിട്ടില്ലേ ബാലേട്ടാ....ലിഫ്റ്റ്‌ ചോദിക്കുന്നവർ എന്റെ വലിയ വീക്ക്‌നസ്സാണ് ...

ബാലേട്ടൻ: അതിനു ആ കുട്ടി ലിഫ്റ്റ്‌ വേണം ന്നു തന്നോട് എപ്പോഴാ പറഞ്ഞെ?

എന്റെ കേരളം: അതൊക്കെ പറയണോ ബാലേട്ടാ...ആ കുട്ടിക്ക് ഒരു ലിഫ്റ്റ്‌ വേണം-ന്നു ആ കണ്ണുകൾ എന്നോട് മന്ത്രിക്കുന്നുണ്ടായിരുന്നൂ... ഞാൻ ഒന്ന് നോക്കിയിട്ട് ഇപ്പൊ വരാം...നിങ്ങള് ബ്രേക്ക് ഫാസ്റ്റ് ഒക്കെ കഴിച്ചു... ഒന്ന് റെഡിയായിക്കോ...

ബാലേട്ടൻ: എടൊ ഈക്കെ... തന്നെ ഇറക്കാൻ ഞങ്ങൾ പോലീസ് സ്റ്റേഷനിൽ കയറേണ്ടി വരുമോ?

 എന്റെ കേരളം: ബാലേട്ടൻ ഒന്നിങ്ങു വന്നേ ..ആ ചെവി ഇങ്ങു കാട്ടിക്കെ..

എന്താടാ

ബാലേട്ടാ...രാവിലെ കണ്ട സ്വപ്നം.. ഓർമ്മ ഇല്ലേ? വല്ലോം നടക്ക്വോ എന്ന് നോക്കട്ടെ... എന്താ?

ബാലേട്ടനെ നോക്കി കണ്ണിറുക്കിയതിനു ശേഷം എന്റെ കേരളം വണ്ടി തിരിച്ചു വിട്ടു.

ഹൈവയിലേക്ക് കയറിയപ്പോൾ അയാൾ വണ്ടി ഒതുക്കിയിട്ടു. 

പെട്ടന്ന് ഫോണ്‍ ശബ്ദിച്ചു. എന്റെ കേരളം ചെവിയോർത്തു.

സാർ നമ്മുടെ കക്ഷി ഹൈവെയീലെക്ക് കയറിയിട്ടുണ്ട്... ഇപ്പൊ അവിടെ എത്തും. 

എന്റെ കേരളം പുറത്തേക്ക് ഇറങ്ങി..അകലെ നിന്നും ഒരു ഇരമ്പലോടെ പാഞ്ഞു വരുന്ന ജാഗ്വോർ അയാൾ കണ്ടു. അത് അടുത്ത് എത്തിയപ്പോൾ അയാൾ റോഡിലേക്ക് കയറി നിന്നു.

കുതിച്ചു വന്ന കാർ പതുക്കെ സ്ലോ ചെയ്തു....എന്റെ കേരളം ഡ്രൈവറുടെ അടുത്തേക്ക് നടന്നു...

ഡ്രൈവിംഗ് സീറ്റിലെ വിൻഡോയിലൂടെ അകത്തേക്ക് ഉറ്റുനോക്കി എന്റെ കേരളം പറഞ്ഞു

അര്ജ്ജുനൻ നമ്പൂതിരി! ന്താ ഈ കാണണേ! നോം ഇത്രയങ്ങട് പ്രതീക്ഷിച്ചില്ല്യാ..തിരുമേനി ശരിക്കും ഞെട്ടിച്ചു കേട്ടോ...

കാറിന്റെ വിന്ഡോയിലൂടെ തല പുറത്തേക്കിട്ടു ചെറുപ്പക്കാരൻ പറഞ്ഞു:.

ഈക്കെ ... എന്റെ സ്വകാര്യതയിൽ ഇടപെടാതിരിക്കുന്നതാവും ബുദ്ധി..

ചെറുപ്പക്കാരനെ ഒരു നിമിഷം ഉറ്റു നോക്കിയതിനു ശേഷം എന്റെ കേരളം പറഞ്ഞു:

അർജ്ജുനൻ നമ്പൂതിരി അല്ല...! Mr.ഡിങ്കൻ ... The uncrowned don, the undercover drug lord of south India ...the best brain in the business. But your game is over! താങ്കളെ അറസ്റ്റ് ചെയ്യാൻ കഴിയുക എന്നത് എനിക്ക്, നാർക്കോട്ടിക്ക് CID വിനോദ് കുമാറിന് ഒരു ബഹുമതിയാണ്. ഇങ്ങനെ ഒരു അവസരം തന്നതിന് വളരെ നന്ദി...

ഈക്കെ, Can I buy you off? ഈ ബാഗിലെ 2 കോടി രൂപ.. അത് താൻ എടുത്തോ...

What about those cute blue transparent crystals? Methamphetamine! മേഥ് എന്ന പേരിൽ അന്താരാഷ്‌ട്രകമ്പോളത്തിൽ പ്രശസ്തമായ ന്യൂ   മെക്സിക്കൻ ഡ്രഗ്! ഫസ്റ്റ് ടൈം ഇൻ ഏഷ്യ!  അതിന്റെ വില 100 കോടിയോളം വരും.

പക്ഷെ നിന്റെ കൂലിക്കാരന് പിഴച്ചു. ഹോട്ടലിൽ ബാഗ് മാറി! അത് തിരിച്ചു പിടിക്കാൻ നിനക്കീ നാടകം കളിക്കേണ്ടി വന്നു. അര്ജ്ജുനൻ നമ്പൂതിരിയായി നിനക്ക് വേഷം കെട്ടേണ്ടി വന്നു.  കൊച്ചിയിലെ ഗ്ലാമർ വേൾഡിൽ നടക്കുന്ന ഡ്രഗ് ഡീല്സ് നിരീക്ഷിക്കാൻ ചുമതലപ്പെട്ട എന്റെ കയ്യിൽ പക്ഷെ വളരെ യാദൃശ്ചികമായി നീ വന്നു വീഴുകയായിരുന്നൂ...!

എന്റെ കേരളത്തിന്റെ കയ്യിൽ പെട്ടന്ന് ഒരു റിവോൾവർ പ്രത്യക്ഷപ്പെട്ടു... അത് ഡിങ്കന്റെ താടിയിൽ മുട്ടിച്ചു കൊണ്ട് അയാൾ പറഞ്ഞു:

മിസ്റ്റർ ഡിങ്കൻ ...Come and join me. We are going to take a small trip. പാലക്കാട്ടെ ഇല്ലത്ത് നിന്നും കൊച്ചിയിൽ സിനിമാ ക്യാമ്പിൽ ജോയിൻ ചെയ്യാൻ വേണ്ടി പുറപ്പെട്ട സാക്ഷാൽ അർജുനൻ നമ്പൂതിരിയെ താങ്കൾ തട്ടിക്കൊണ്ട്പോയി പാർപ്പിച്ചിരിക്കുന്ന സ്ഥലം, അത് കൂടെ കാട്ടിത്തന്നാൽ നമ്മുടെ ഈ നാടകം നമുക്ക് ഇവിടെ അവസാനിപ്പിക്കാം...

എന്റെ കേരളത്തിനെ അനുസരിച്ച് കൊണ്ട് വണ്ടിയിലേക്ക് കയറുമ്പോ ഡിങ്കൻ ചോദിച്ചു: അണ്ടർ കവർ കോപ്പ്! കേമായീട്ടോ... ഈക്കെ.. അല്ല... വിനോദ് കുമാര്...തന്നെ സമ്മതിച്ചു.. അല്ല ഇതെങ്ങിനെ ഒപ്പിച്ചു? ഈ ട്രാപ്പ്."

ഡിങ്കന്റെ കൈകളിൽ വിലങ്ങണിയിച്ചുകൊണ്ട് എന്റെ കേരളം പറഞ്ഞു: സാക്ഷാൽ അർജുനൻ നമ്പൂതിരി എന്റെ കോളേജ് മേറ്റ്‌ ആയിരുന്നൂഷ്ടാ ...

*********************

സന്ദർശകറെജിസ്റ്ററിൽ പേര് എഴുതിയതിനു ശേഷം ബ്രൂട്ടു ലെയിക്ക് പ്ലാസിഡിന് അകത്തേക്ക് പ്രവേശിച്ചു.

സിനിമാസംഘത്തിന്റെ 7/13/3 ഫ്ലാറ്റ് അടഞ്ഞു കിടക്കുന്നു. കൂടെ വന്ന സെക്യൂരിറ്റി ഗാർഡ് ചോദ്യഭാവത്തിൽ ബ്രൂട്ടുവിനെ നോക്കി.

ഒരു പുസ്തകം കയ്യിലെടുത്ത് ഇടനാഴിയിലെ ബഞ്ചിൽ ഇരുന്ന ശേഷം ബ്രൂട്ടു പറഞ്ഞു: അരമണിക്കൂർ ഞാൻ ഇവിടെ വെയിറ്റ് ചെയ്തോട്ടെ? ദൂരെ നിന്നും വരികയാണ്.

തലയാട്ടി, ഗാർഡ് ലിഫ്റ്റിലേക്ക് കയറി താഴേക്ക് ഇറങ്ങി. ബ്രൂട്ടു പതുക്കെ എഴുന്നേറ്റു. തന്റെ ബാഗ് തുറന്ന് electro magnetic frequency meter പുറത്തെടുത്തു... പിന്നെ അത് പ്രവർത്തിപ്പിച്ചുകൊണ്ട് 7/13/3-യെ സമീപിച്ചു. ഫ്രന്റ്‌ ഡോറിന് സമീപം അൽപ്പസമയം നിന്നതിനു ശേഷം അയാൾ ഇടനാഴിയിലൂടെ ഫ്ലാറ്റിനു സമാന്തരമായി കുറച്ചു ദൂരം നടന്നു. നിരാശയായിരുന്നൂ ഫലം. ഉപകരണത്തിലെ സൂചി അനക്കമില്ലാതെ കിടന്നു.

ബ്രൂട്ടു തിരിച്ചു വന്നു വീണ്ടും ബഞ്ചിൽ ഇരുന്നു. ഉപകരണം അരികിൽ വച്ച് സാത്തിനെ വിളിക്കാൻ ഫോണ്‍ എടുക്കാൻ തുടങ്ങിയപ്പോഴാണ് അയാൾ അത് കണ്ടത്....അതിവേഗതയിൽ ചലിക്കുന്ന സൂചി! EMF meter is on fire!!!

ലിഫ്റ്റിന്റെ വാതിൽ തുറന്നു. കുഞ്ഞമ്മു പുറത്തേക്ക് വന്നു. ബ്രൂട്ടു ചാടി എഴുന്നേറ്റു.

കുഞ്ഞമ്മുവിന്റെ നടത്തത്തിന്റെ വേഗത പെട്ടന്ന് കൂടി. ഒരു നിമിഷം കൊണ്ട് അവൾ ബ്രൂട്ടുവിനു മുന്നിലെത്തി. അയാളെ പൊക്കി എടുത്തു.. 

പിന്നെ പടവുകൾ കയറാൻ തുടങ്ങി... ഏതാനും നിമിഷങ്ങൾ കൊണ്ട് നാല് നിലകൾ കയറി  അവൾ പതിനൊന്നാം നിലയിലെ ടെറസിൽ പ്രവേശിച്ചു.

ഒരു നിമിഷം അവൾ ബ്രൂട്ടുവിന്റെ കണ്ണുകളിലേക്ക് നോക്കി നിന്നു. ഒരു വേട്ടമൃഗത്തിന്റെ മാനസികാവസ്ഥയോടെ ബ്രൂട്ടു കുഞ്ഞമ്മുവിന്റെ കൈകളിൽ ഞരീഞ്ഞു.

അവൻ താഴോട്ടു നോക്കി.. തലകറങ്ങുന്നു....ഒരു മയക്കത്തിലേക്ക് വീഴുകയാണ് ...

**********************

ബ്രൂട്ടു പതുക്കെ കണ്ണുകൾ തുറന്നു.

ശരീരമാകെ നല്ല വേദന തോന്നുന്നു. താൻ എവിടെയാണ്?

അവൻ പെട്ടന്ന് ചാടി എഴുന്നേറ്റു...

ഒരു മുറിയിൽ കട്ടിലിൽ കിടക്കുകയാണ്....ഹോസ്പിറ്റലാണല്ലോ!

എങ്ങിനെ ഇവിടെ എത്തി? അവൻ കട്ടിലിൽ നിന്നും താഴെ ഇറങ്ങി.. പെട്ടന്ന് വാതിൽ തുറന്നു ഒരു ഡോക്ട്ടർ അകത്തേക്കു വന്നു. കൂടെ സാത്തും ബാലേട്ടനും.

ബാലേട്ടൻ പറഞ്ഞു: തനിക്ക് എഴുന്നേൽക്കാൻ ഒക്കെ കഴിയുന്നുണ്ടല്ലേ...ഭാഗ്യം. ഇവിടെ കൊണ്ട് വരുമ്പോ ബോധം ഉണ്ടായിരുന്നില്ലാ!

സാത്ത് അടുത്തേക്ക് വന്നിട്ട് ചോദിച്ചു: ബ്രൂട്ടു ...എന്താ ഉണ്ടായത്?

ഡോക്ടർ പറഞ്ഞു: ടെറസിൽ ബോധമില്ലാതെ കിടക്കുന്ന നിലയിലാണ് നിങ്ങളെ കണ്ടെത്തിയത്. ഭാഗ്യത്തിന് ലേറ്റ് ആയില്ല. you are now perfectly alright... could you tell us what exactly happened?

ഒറ്റ ശ്വാസത്തിൽ നടന്ന സംഭവങ്ങൾ ബ്രൂട്ടു വിവരിച്ചു. എല്ലാം കേട്ടപ്പോൾ ഒരു ദീർഘനിശ്വാസത്തോടെ ഡോക്ടർ പറഞ്ഞു: അവിശ്വസനീയമായിരിക്കുന്നൂ! നിങ്ങളീ പറഞ്ഞ പെണ്‍കുട്ടിയും ടെറസിൽ  ബോധം നശിച്ചു കിടക്കുന്നുണ്ടായിരുന്നൂ. അവൾ അപ്പുറത്തെ റൂമിലുണ്ട്...ബോധം തെളിഞ്ഞപ്പോൾ കുറച്ചു ഹിസ്റ്റീരിക്കലായി. മയങ്ങാനുള്ള മരുന്ന് കൊടുത്തു കിടത്തിയിരിക്കുകയാണ്.

ബ്രൂട്ടു ചോദിച്ചു: എനിക്കൊന്നു കാണാൻ പറ്റുമോ ഡോക്ടർ?

ഡോക്ടർ എഴുന്നേറ്റു, "അതിനെന്താ.. വരൂ.." അവർ മുറി വിട്ടു പുറത്തേക്കിറങ്ങി.

അവിടെ, പെണ്‍കുട്ടിയുടെ അടുത്ത് ഇരുന്നിരുന്ന സ്ത്രീ പതുക്കെ എഴുന്നേറ്റു. "എന്റെ മോളാ സാറേ. ഒരു രണ്ടു മാസമായി ഇങ്ങനെയാ...ചിലപ്പോ തോന്നും അവള് വേറെ ഏതോ ലോകത്താന്നു ... ചോദിച്ചാലും പറഞ്ഞാലും ഒരു മറുപടിയില്ല....വർത്തമാനം നിന്നു. വീട് പുലരുന്നത് ഇവള് പണി എടുത്തു കൊണ്ടുവരുന്ന കാശ് കൊണ്ടാ... ഭാഗ്യത്തിന് ഇപ്പോഴും പണിക്ക് പോകുന്നുണ്ട്... പക്ഷെ ഇതെന്തൊരു ജീവിതാ..." സ്ത്രീ കരയാൻ തുടങ്ങി...

ഡോക്ടർ അവരെ സമാധാനിപ്പിക്കാൻ ശ്രമിച്ചു കൊണ്ട് ചോദിച്ചു. "ഡ്യൂട്ടി സമയം അല്ലാതിരുന്നിട്ടും കുഞ്ഞമ്മു എന്തിനാ അപ്പാർട്ട്മെന്റിലെക്ക് പോയത്?"

സ്ത്രീ ഒന്നു മടിച്ചു. പിന്നെ പറഞ്ഞു തുടങ്ങി: ഇവൾക്ക് താഴെ ഒരുത്തനുണ്ട്... അവനു എഞ്ചിനീറിങ്ങിനു അഡ്മിഷൻ കിട്ടി. ആദ്യത്തെ ഫീസ്‌ അടക്കാനുള്ള പൈസ കയ്യിലുണ്ടായിരുന്നില്ല. വിവരങ്ങൾ അറിഞ്ഞപ്പോ അപ്പാർട്ടുമെന്റിലെ ഒരു മാഡം കുറച്ചു പൈസ തന്നു സഹായിക്കാം എന്നേറ്റിരുന്നൂ ...അത് വാങ്ങിക്കാൻ പോയതാ ന്റെ കുട്ടി...പക്ഷെ അന്യെഷിച്ചപ്പോൾ അറിഞ്ഞു അവളാ വീട്ടില് പോയതെ ഇല്ലാന്ന്...

മുറിയിൽ നിന്നും പുറത്തേക്ക് ഇറങ്ങുമ്പോൾ ബ്രൂട്ടു പറഞ്ഞു: ഓരോ ദിവസവും ഓരോ സംഭവങ്ങളാണല്ലോ. സാത്ത് പറഞ്ഞപ്പോൾ ഞാൻ ഇത്ര പ്രതീക്ഷിച്ചില്ല... നിങ്ങള്ക്ക് വിരോധമില്ലെങ്കിൽ, ഇന്ന് രാത്രി കൂടെ നിങ്ങളുടെ ഫ്ലാറ്റിൽ കുറച്ചു സമയം ചിലവഴിക്കാൻ എന്നെ അനുവദീക്കുമൊ?

ബാലേട്ടൻ: കുഴപ്പമില്ല...ഇതിപ്പോ സന്ധ്യയായല്ലോ... നമുക്ക് ഒന്നിച്ച് പോയ്ക്കളയാം....

പെട്ടന്ന് ബാലേട്ടൻറെ ഫോണ്‍ ശബ്ദിച്ചു. അഷ്ഫറാണ്. ബാലേട്ടാ... എവിടെയാ... പെട്ടന്ന് ഫ്ലാറ്റിലേക്ക് വരണം.

എന്താടാ?

കുഴപ്പമൊന്നുമില്ല... പെട്ടന്ന് വാ.....

***********************

ഫ്ലാറ്റിലെത്തിയപ്പോൾ അഷ്ഫറും ചാരനും കീലേരിയും ടീവീക്ക് മുന്നില് വായും പൊളിച്ച് ഇരിക്കുകയായിരുന്നു. എല്ലാവരെയും ഒന്ന് നോക്കി...സാത്ത് ചോദിച്ചു. തിരുമേനിയും എന്റെ കേരളവും എവിടെ?

അഷ്ഫർ പറഞ്ഞു: ചുംബനം അന്യേഷിച്ചു പോയ എന്റെ കേരളം ഇത് വരെ തിരിച്ചെത്തിയിട്ടില്ല... പക്ഷേ നമ്മുടെ തിരുമേനിയെ ഇതാ ടീവീലെടുത്തു...!

ടീവീല് എടുക്കാനോ?

ചാരൻ എഴുന്നേറ്റു. അയാൾ പറഞ്ഞു: അത് തിരുമേനി ആയിരുന്നില്ല. യഥാർഥ അർജുനൻ നമ്പൂതിരിയെ തട്ടിക്കൊണ്ടു പോയി തടവിൽ പാർപ്പിച്ച് അയാൾക്ക് പകരം ഇവിടെ എത്തിയത് മയക്കു മരുന്നു സാമ്രാജ്യത്തിലെ ഒരു വലിയ പുള്ളി ആയിരുന്നു പോലും. Dinkan the Don!

അഷ്ഫർ: ഞങ്ങൾ മാറി എടുത്ത ആ ബാഗില് ഈ ഡിങ്കന്റെ 100 കോടി രൂപ വിലമതിക്കുന്ന മയക്കുമരുന്നായിരുന്നുവത്രേ... അത് തിരിച്ചുപിടിക്കാനുള്ള സാഹസായിരുന്നൂ...ഇവിടുന്നു ബാഗും കൊണ്ട് ഇറങ്ങി രക്ഷപ്പെടുന്ന വഴി ഹൈവേ പോലീസ് പൊക്കീന്നാ ചാനലുകാരു പറേന്നെ...കേരളത്തിന്റെ ചരിത്രത്തിലെ ഏറ്റവും വലിയ മയക്കുമരുന്ന് വേട്ട !!

സാത്ത്: നമ്മുടെത് വെറും ഓണ്‍ലൈൻ പരിചയം മാത്രമാണെന്ന വസ്തുത ആ ഡോണ്‍ സമർഥമായി ഉപയോഗിക്കുകയായിരുന്നു! ഇപ്പൊ മനസ്സിലായില്ലേ... ബ്രൂട്ടു പറഞ്ഞ നെഗറ്റീവിറ്റി സത്യായിരുന്നൂന്ന്? ഇനി നമുക്ക് ധൈര്യായി പാരാനോർമൽ സംഭവം തുടങ്ങാം അല്ലെ.. ബ്രൂട്ടൂ?

ബ്രൂട്ടു തന്റെ ഉപകരണങ്ങൾ പുറത്തേക്ക് എടുക്കാൻ തുടങ്ങി.

പെട്ടന്ന് വാതിൽ തള്ളിത്തുറന്നു ന്റെ കേരളം അകത്തേക്ക് കയറി വന്നു... അയാൾ ഒറ്റശ്വാസത്തിൽ ചോദിച്ചു.

ശരിയാണോ.... ആ നമ്പൂതിരിയെ കുറിച്ച് കേട്ടത് ഒക്കെ ശരിയാണോ?

ബാലേട്ടൻ പറഞ്ഞു: ശരിയാണ് ഈക്കെ.. സിനിമ എടുക്കാൻ വന്ന നമ്മൾ സിനിമാക്കഥയേക്കാളും വിചിത്രങ്ങളായ സംഭവപരമ്പരകളിലൂടെയാണ് കടന്നു പോകുന്നത്... ഇതെവിടെ ചെന്ന് അവസാനിക്കും എന്ന് കണ്ടറിയണം...

സാത്ത്: അല്ല, എന്നിട്ട് യഥാർഥ അർജുനൻ നമ്പൂതിരി എവിടെ?

ചാരൻ: ചാനലുകാരു പറയുന്നത് അയാളുടെ ഇല്ലത്തൂന്ന് ആൾക്കാര് വന്നു കൂട്ടിക്കൊണ്ടോയീന്നാ...പുള്ളിയുടെ മൊബൈൽ ആണെങ്കിൽ സ്വിച്ച് ഓഫ്‌ ആണല്ലോ...

ന്റെ കേരളം: അതൊക്കെ പോലീസുകാര് വാങ്ങി വച്ചു കാണും. വിളിക്കാൻ ശ്രമിച്ച് വെറുതെ  കുഴിയിൽ .ചാടേണ്ട...

ബാലേട്ടൻ: അല്ല,.. ഇത് നമുക്ക് പുതിയ ഒരു കുരുക്കാവുമൊ? നമ്മുടെ ടീമിൽ ചേരാൻ വേണ്ടി ആയിരുന്നല്ലോ... ആ തിരുമേനി നാട്ടീന്നു പുറപ്പെട്ടത്... പിന്നെ ആ ഡ്രഗ്സ് ഉള്ള ബാഗ് കിട്ടിയത് ചാരനും അഷ്ഫരിനും ആണല്ലോ.... എന്താ ഇപ്പൊ ചെയ്ക.... ചാനലുകാരു എപ്പോ വേണെങ്കിലും കയറിവരാം....പുറകെ പോലീസുകാരും..

ന്റെ കേരളം: ബാലേട്ടാ... വിഷമിക്കണ്ട ആവശ്യമുണ്ടെന്നു തോന്നുന്നില്ല... നമ്മള് ക്ലിയർ ആണെന്ന് തോന്നുന്നു. SP ഇപ്പൊ കൊടുത്ത സ്റ്റേറ്റ്മെന്റ് കണ്ടില്ലേ... ഇപ്പറഞ്ഞ ഒന്നും മെൻഷൻ ചെയ്തിട്ടില്ല... അല്ലെങ്കിലും നമ്മള് കുറ്റമൊന്നും ചെയ്തിട്ടില്ലല്ലോ.. പിന്നെ എന്താ....

ബാലേട്ടൻ: അല്ല ഈക്കെ....താൻ എവിടെ ആയിരുന്നൂ... ലിഫ്റ്റ്‌ കൊടുക്കാൻ പോയിട്ട് സ്വപ്നം വല്ലോം ഫലിച്ചോ...

ന്റെ കേരളം: ഒന്നും പറയേണ്ട ബാലേട്ടാ... പുലർച്ചെ കാണുന്ന സ്വപ്‌നങ്ങൾ വല്ലവരോടും പറഞ്ഞാൽ പിന്നെ കുഴപ്പം തന്നെയാ.... ലിഫ്റ്റ്‌ കൊടുത്ത കുട്ടി എന്നെയും കൊണ്ട് ആദ്യം ആശുപത്രിയിലാ പോയത്... അവളുടെ അച്ഛൻ അവിടെ അഡ്മിറ്റ്‌ ആയിരുന്നൂ... പിന്നെ അയാളെ ഡിസ്ചാർജ് ചെയ്ത് വീട്ടില് കൊണ്ട് ചെന്നാക്കേണ്ടി വന്നൂ... ഒരു ഒന്നൊന്നര ദിവസമായിരുന്നൂ എന്റെ പൊന്നൂ.....ഹഹഹഹോഹോ...

ബ്രൂട്ടു പെട്ടന്ന് പുറത്തേക്ക് വന്നു... അയാളുടെ നെറ്റിയിൽ വിയർപ്പ് പൊടിഞ്ഞിരുന്നൂ

ബ്രൂട്ടുവിന്റെ ഭാവമാറ്റം ശ്രദ്ധിച്ച സാത്ത് ചോദിച്ചു: എന്ത് പറ്റി ... any progress?

എല്ലാവരെയും ഒന്നു നോക്കി ബ്രൂട്ടു പറഞ്ഞു: വിശ്വസിക്കാൻ പറ്റുന്നില്ല... ! ആ നെഗറ്റീവ്‌ എലെമന്റ് .. അതിവിടെ തന്നെയുണ്ട്..... നമ്മുടെ ഇടയിൽ തന്നെ....ആ അപകടകാരി ഇപ്പോഴും നമ്മുടെ ഇടയിൽ തന്നെയുണ്ട്...!

(End of part 5)

Also Read
PART 1
PART 2
PART 3
PART 4 

OPKP PART 4

Also Read
PART 1
PART 2
PART 3

4

ഫ്ലാറ്റിനു അകത്തേക്ക് കീലെരിയും അർജുനൻ നമ്പൂതിരിയും കയറി വരുമ്പോൾ എല്ലാവരും കാത്തിരിക്കുകായിരുന്നു.

ബാലേട്ടൻ അടുത്തേക്ക് വന്നപ്പോൾ കീലേരി പറഞ്ഞു.

ബാലേട്ടാ, ഇത് അർജുനൻ നമ്പൂതിരി. ഇപ്പൊ കറന്റ് പോയപ്പോ താഴെ ഒരു ഉന്തും തള്ളും നടന്നു. പുള്ളി അതിന്റെ ഷോക്കിലാ ..

ബാലേട്ടൻ നമ്പൂതിരിയെ നോക്കി. എന്നിട്ട് പറഞ്ഞു: നമ്മുടെ അസിസ്റ്റന്റ്‌ ഡയറക്ടർ, അല്ലെ?

എന്റെ കേരളം പെട്ടന്ന് എഴുന്നേറ്റ് മുന്നോട്ടു വന്നു. നമ്പൂതിരിയുടെ കൈ പിടിച്ചു കുലുക്കി.

ബാലേട്ടൻ: ഇത്  എന്റെ കേരളം വിനോദ് കുമാർ. കഥയുടെ ഡിപ്പാർട്ട് ...മെന്റലാ 

എന്റെ കേരളം, അത് ശ്രദ്ധിക്കാതെ: ഇവിടെ എല്ലാരും ആദ്യായിട്ട് നേരിൽ കാണുകയാണല്ലോ. ഓണ്‍ലൈൻ ബന്ധങ്ങളുടെ ഒരു കാര്യം. അല്ല, നമ്പൂതിരി എന്ന് പറേമ്പോ... സസ്യഭക്ഷണം ആയിരിക്കും?

അർജുനൻ: തന്നെ...

എന്റെ കേരളം: സോമരസം?

അർജുനൻ: വീട്ടില് ശാന്തി ഒക്കെ ഉള്ളതാണേ ... ഞാൻ കഴിക്കില്ല്യാ...

ബാലേട്ടൻ, കീലെരിയെ ചൂണ്ടി: ഇതാണ് നമ്മുടെ നളൻ ... മിസ്റ്റർ കീലേരി.

അഷ്ഫർ, ആശ്വാസത്തോടെ ചാടി എഴുന്നേറ്റു. അവൻ ചോദിച്ചു: നാട്ടില് എവിടെയാ?

കീലേരി: മലപ്പുറത്താ... കോട്ടക്കല് ..

അഷ്ഫർ: ആഹാ കോട്ടക്കലോ ... അവിടത്തെ ഒരു വീട്ടിന്നു ഞാൻ കപ്പയും മീനും കഴിച്ചിട്ടുണ്ട്... കോഴി പൊരിച്ചതും... കോട്ടക്കല് എന്ന് കേക്കുമ്പോ അതൊക്കെയാണ്‌ മനസ്സില് വരുന്നത്...

എന്റെ കേരളം: താൻ ഭക്ഷണം കഴിക്കാത്ത വല്ല വീടും കേരളത്തില് ഉണ്ടോടോ?

അഷ്ഫർ: നമ്മളൊക്കെ ആദ്യായിട്ടല്ലെ കാണുന്നത്... എന്നിട്ടും തേപ്പിനു ഒരു കുറവും ഇല്ല...

ചാരൻ: അല്ല ഈക്കെ, ഒരു സംശയം. ഈ എന്റെ കേരളം എന്ന് പറയുന്നത് വീട്ടുപേരാണോ?

എന്റെ കേരളം: ഞാൻ പണ്ട് ഒരു സാഹിത്യമാസിക നടത്തിയിരുന്നൂ. അതിന്റെ പേരാ...

അഷ്ഫർ: എന്നിട്ട് എന്ത് പറ്റി?

എന്റെ കേരളം: ആറുമാസം ഓടി.. പിന്നെ പൂട്ടേണ്ടി വന്നു...

ചാരൻ: ഹാവൂ മലയാളസാഹിത്യം രക്ഷപ്പെട്ടു...

എന്റെ കേരളം: ഡോ .. ഈ ഷോട്ട് ഫിലിം ഒന്നിറങ്ങട്ടെ.. ആദ്യചിത്രത്തിൽ തന്നെ ഞാനൊരു കലക്ക് കലക്കും.. നോക്കിക്കോ....

ബാലേട്ടൻ: താനല്ലേ പറഞ്ഞത്, താൻ പ്രസിദ്ധ ഷോട്ട് ഫിലിം തിരക്കഥാകൃത്ത് ആണെന്ന്....എന്നിട്ടിപ്പോ ഇത് ആദ്യത്തെ തിരക്കഥ ആണെന്നോ?

എന്റെ കേരളം: എന്റെ ബാലേട്ടാ... ഞാൻ already പ്രസിദ്ധനാണ്. എന്റെ വീട്ടിലും ഭാര്യ-വീട്ടിലും. സ്വതവേ പ്രസിദ്ധനായ ഞാൻ തിരക്കഥാകൃത്ത് ആവുമ്പോ, എനിക്ക് എന്നെ പ്രസിദ്ധ തിരക്കഥാകൃത്ത് എന്ന് വിളിച്ചൂടെ?

ബാലേട്ടൻ: ഇങ്ങനത്തെ പഞ്ച് സംഭവങ്ങളൊക്കെ തിരക്കഥെലും വേണം ട്ടോ... 

ചാരൻ: മിസ്റ്റർ എന്റെ കേരളം, നിങ്ങളാ കുപ്പി എന്താ പൂട്ടി വച്ചിരിക്കുന്നത്? തുടങ്ങിക്കൂടെ?

എന്റെ കേരളം: താൻ കഴിക്ക്വോ?

ചാരൻ: എനിക്ക് ഒരു ഗ്ലാസ്‌ ബ്രാണ്ടി മതി...

എന്റെ കേരളം: താനാരാ തളത്തിൽ ദിനേശനോ?? ബ്രാണ്ടി മതി എങ്കിൽ താൻ പോയി വാങ്ങീക്ക്...ഇത് സ്കോച്ചാ മാഷെ...

ചാരൻ, പെട്ടന്ന് അഷ്ഫറിനെ നോക്കി കണ്ണ് കാണിച്ചു.

ചാരൻ: ഡാ ആ ബാഗ് .. അതിന്റെ കാര്യം ബാലേട്ടനോടും സാത്തിനോടും പറയാമെന്നു നമ്മള് തീരുമാനിച്ചതല്ലേ...

അഷ്ഫർ: അത് ശരിയാണല്ലോ. അല്ല.. ഇവരൊക്കെ ഇരിക്കുമ്പോ എങ്ങിനെയാ...

ചാരൻ: അറിയട്ടെ.. നാളെ വേറൊരു കുരുക്ക് ഉണ്ടാകരുത്...

ചാരൻ അകത്തു പോയി ഹോട്ടലിൽ നിന്നും മാറി കിട്ടിയ ബാഗും എടുത്തു വന്നു. എല്ലാവരുടെയും മുന്നില് വച്ചു.

ഇങ്ങോട്ട് വരുന്ന വഴി ഒരു പണി കിട്ടിയതാ....ഹോട്ടലിൽ ഭക്ഷണം കഴിക്കുന്നതിനിടയിൽ അഷ്ഫറിന്റെ ബാഗ് ആരോ മാറി എടുത്തു. ഇവന് കിട്ടിയ ബാഗില് ദാ ഇതൊക്കെ ആണ്...

അവൻ ബാഗിൽ നിന്നും നോട്ടു കെട്ടുകൾ എടുത്ത് എല്ലാവരെയും കാണിച്ചു.

അർജുനൻ നമ്പൂതിരി പെട്ടന്ന് ചാടി എഴുന്നേറ്റു: ശിവനെ.... ഇത് നിറയെ കാശാണല്ലോ ... വേറെ വല്ലതും?

ചാരൻ, നീല നിറത്തിലുള്ള പദാർത്ഥം അടങ്ങിയ സഞ്ചി എടുത്ത് കാട്ടിക്കൊണ്ട്: ദാ ഇതെന്താണ് എന്നറിയില്ല... ബാഗിൽ നിന്നും കിട്ടിയതാണ്..

എന്റെ കേരളം, ആ സഞ്ചി വാങ്ങിച്ചു പരിശോധിച്ചുകൊണ്ട്: എന്തോ രാസവസ്തു പോലെ ഉണ്ട്? 
കുഴൽപ്പണക്കാരുടെ സെറ്റപ്പാകാം ചെലപ്പോ... അല്ല ബാലേട്ടാ ഇതിപ്പോ എന്താ ചെയ്യാ?

ബാലേട്ടൻ: എന്തിനാ റിസ്ക്ക് എടുക്കുന്നത്? പോലീസില് ഏൽപ്പിച്ചൂടെ? അല്ല സാത്ത് ഇനിയും വന്നില്ലേ? അയാളോടും കൂടെ ഒന്ന് ചൊദിക്കാമായിരുന്നൂ...

അർജ്ജുനൻ: പറയുന്നത് കൊണ്ട് ഒന്നും തോന്നരുത്... പോലീസിൽ ഏൽപ്പിക്കുന്നത് റിസ്ക്ക് അല്ലെ? ഇന്നത്തെ കാലത്ത് ഈ ന്യൂ ജെനറേഷൻ സിനിമാക്കാരെ ഒന്നും നമ്മുടെ പോലീസുകാർക്ക് അത്ര പിടിത്തമില്ല ... കട്ടവനെ കിട്ടിയില്ലെങ്കിൽ... കിട്ടിയവനെ.. ഇത് നമുക്ക് എവിടെ എങ്കിലും തട്ടിയാലോ?

എന്റെ കേരളം: സാത്ത് വരട്ടെ.. എന്നിട്ട് തീരുമാനിക്കാം... അത് വരെ ഇതിവിടെ നിക്കട്ടെ.. എന്താ ബാലേട്ടാ?

ബാലേട്ടൻ: അത് മതി... ഇങ്ങേരു ഇത് എവിടെ പോയി? ദേ ഇതാ കിടക്കുന്നൂ ഒരു വാട്ട്സപ്പ് മെസേജ്:  "I am with a paranormal investigator. Will be back"

അഷ്ഫർ: എന്താപ്പാ ഇത്? ഇങ്ങേരു ഇനിയും നോർമ്മൽ ആയില്ലേ?

ചാരൻ: Paranormal investigator - അതായത്, പ്രേതബാധ ഉണ്ടെന്നു വിശ്വസിക്കപ്പെടുന്ന സ്ഥലങ്ങളിൽ ചെന്ന് അക്കാര്യം സ്ഥിരീകരിക്കാനും അങ്ങിനെയുള്ള നെഗറ്റീവ് ശക്തികളെ നേരിടാൻ കഴിവുള്ള ആളുകൾ..

ബാലേട്ടൻ: മന്ത്രവാദികൾ, അല്ലെ?

ചാരൻ: Not exactly. ഹോളിവുഡ് സിനിമകളിലൊക്കെ ഇക്കൂട്ടർ technology ധാരാളം ഉപയോഗിക്കുന്നതായി കണ്ടിട്ടുണ്ട്. കേരളത്തിലും ഇങ്ങനെ ട്രെയിൻഡു് ആയിട്ടുള്ള ആളുകൾ ഉണ്ടെന്നറിയുന്നത് ആദ്യമായാണ്‌. 

എന്റെ കേരളം: സാത്ത് ഇതൊക്കെ തട്ടി വിടുന്നതല്ലേ? അങ്ങേരു ഇങ്ങേത്തിക്കൊള്ളും. അല്ല നാളത്തെ ദിവസത്തിനു ഒരു പ്രത്യേകത ഉണ്ട്, അറിയാമല്ലോ...

അഷ്ഫർ: എന്താ ഈക്കെ ...

ചാരൻ, മൊബൈലില് മലയാളം കലണ്ടർ ആപ്പ് എടുത്ത് നോക്കി: നാളെ ചോറ്റാനിക്കര മുളയൻകാവ് പൂരം...

അർജുനൻ: താൻ പോകുന്നുണ്ടോ ഈക്കെ?

എന്റെ കേരളം: ഇവനെ ഒക്കെ.. ! എന്റെ തിരുമേനീ... എന്നെ അങ്ങ് കൊല്ല്..

ബാലേട്ടൻ: നാളെ അല്ലെടോ കിസ്സോഫ് ലവ്..? മറൈൻ ഡ്രൈവ്, കൊച്ചി...

എന്റെ കേരളം: ബാറേട്ടാ .. സോറി... ബാലേട്ടാ.. നിങ്ങള് മാനം കാത്തു. വയസ്സ് ഇത്ര ആയെങ്കിലും അത് ബാധിക്കാത്ത ഒരു മനസ്സുണ്ടാല്ലോ.. അത് മതി... അപ്പൊ ആരൊക്കെ വരുന്നുണ്ട്.... എന്റെ കൂടെ?

ചാരൻ: ന്ദേ ..! തന്റെ കൂടെയോ?

എന്റെ കേരളം: അയ്യേ... അതല്ല... ഛെ. അല്ല ഈ പഹയന്മാര് രണ്ടും വരും എന്നെനിക്ക് ഉറപ്പുണ്ട്.. തിരുമേനിയോ? എങ്ങിനെയാ പരിപാടികള്?

അർജുനൻ: എന്താ ഈ പറയെണേ!! ഇങ്ങനെ എല്ലാരും നോക്കി നിക്കുമ്പോ ചുംബിക്കാൻ ഒന്നും നമുക്ക് കഴിയില്ല്യാ... 

എന്റെ കേരളം: ഒറ്റയ്ക്ക് ഒരു ചാൻസ് കിട്ടിയാൽ തിരുമേനി ജോറാക്കും-ന്നർത്ഥം! ഹഹഹഹോഹോ!
അപ്പൊ തിരുമേനി ഒഴിച്ച് നമ്മൾ എല്ലാരും പോകുന്നൂ.. എന്താ ബാലേട്ടാ.. സ്ട്രോങ്ങല്ലേ? 

ബാലേട്ടൻ: അല്ല ഈക്കെ... ഒരു സംശയം.. ഈ കിസ്സോഫ് ലൗവിനു കൂടെ കൊണ്ട് പോകാൻ ഗേൾ ഫ്രെണ്ട് വേണ്ടേ?

അർജുനൻ, ചാടിക്കയറി: ശരിയാണല്ലോ.. നിങ്ങളൊക്കെ ആരെയാണ് ചുംബിക്കാൻ പോകുന്നത് എന്ന് വല്ല നിശ്ചയോം-ണ്ടോ?

എന്റെ കേരളം: ന്റെ ബാലേട്ടാ.....അവിടെ കിസ്സോഫ് ലൗവിനു വരുന്നവരെല്ലാം... മോറൽ പോലീസിനെതിരെ ആത്മാർത്ഥമായും ചുംബിച്ചു പ്രതിഷേധിക്കാൻ ഓരോ പങ്കാളിയെയും കൂട്ടിയാണ് വരാൻ പോകുന്നത് എന്നാണോ കരുതി വച്ചിരിക്കുന്നത്?

കീലേരി: പിന്നല്ലാതെ?

എന്റെ കേരളം: സീ.... നമ്മള് മലയാളികളൊക്കെ അടിസ്ഥാനപരമായി വെറും കാഴ്ചക്കാരല്ലേ? വല്ല ചുംബനോം നടക്കുന്നുണ്ടെങ്കിൽ അത് ലൈവ് ആയി കാണാം ..അത്രന്നെ..

ബാലേട്ടൻ: നമ്മള് ചലച്ചിത്രമേളകളില് നല്ല ചൂടൻ പടങ്ങള് വരുമ്പോ ഇടിച്ചു കയറാറില്ലേ.. അതെ മനസ്ഥിതി...അല്ലെ ഈക്കെ?

ചാരൻ: കൈകൂപ്പിക്കൊണ്ട് ... ന്റെ ബാലേട്ടാ... അടുത്ത തവണ ഒരു പാസ്സ് എനിക്കും....

എന്റെ കേരളം: ഹിഹിഹിഹോഹോ.... ബാലേട്ടനും പണി കിട്ടി...അപ്പൊ നാളെ.. എല്ലാർക്കും ഗുഡ് നൈറ്റ്..

*************

ചാരൻ കിടക്കയിൽ തിരിഞ്ഞും മറിഞ്ഞും കിടന്നു. ഉറക്കം വരുന്നില്ല. ഇടനാഴിയിൽ നിന്നും നേർത്ത വെളിച്ചം ജാലകത്തിന്റെ കർട്ടനിടയിലൂടെ കിടപ്പ്മുറിയിലേക്ക് അരിച്ചെത്തുന്നുണ്ട്..

അയാൾ എഴുന്നേറ്റു. മേശമേൽ എന്റെ കേരളത്തിന്റെ ഐപാഡ് കിടക്കുന്നു. 

കിടക്കയിൽ ഇരുന്നു കൊണ്ട് ചാരൻ ഗൂഗിളിൽ കീ വേർഡ്സ് ടൈപ്പ് ചെയ്തു: Lake Placid Murders 2013 

തുറന്നു വന്ന ഹെഡ് ലൈൻസിലൂടെ അയാൾ കണ്ണോടിച്ചു

Two found murdered in luxury apartment. Police looking for clues

Lake Placid Twin Murders: Kerala government to request CBI probe

Lake Placid Twin Murders: CBI submits report. No suspect named

Lake Placid Twin Murders: Investigation to continue. High Court allows new tenant

ചാരൻ മുറിയാകെ ഒന്ന് നോക്കി. നന്നായി ഫർണിഷിംഗ് ചെയ്ത കിടപ്പുമുറിയാണ്. ചുമരിൽ പിച്ചളയിൽ തീർത്ത ഒരു കുതിരലാടം. മുറിയുടെ ഗോത്തിക്ക് തീമിന് അത് നന്നായി ചേരുന്നുണ്ട്...

അയാൾ പതുക്കെ എഴുന്നേറ്റ് ചെന്ന് ആ കുതിരലാടത്തിൽ സ്പർശിച്ചു. എന്തൊരു തണുപ്പാണ് ഇതിനു!

തണുത്ത കായൽ കാറ്റ് ചാരനെ പൊതിഞ്ഞു... 

പെട്ടന്ന് തോളിലൊരു സ്പർശം... തിരിഞ്ഞു നോക്കണം എന്നുണ്ട്.. പക്ഷെ സാധിക്കുന്നില്ല...

അപ്പോൾ ചാരൻ ആ ശബ്ദം കേട്ടു:

വരൂ...

ചാരൻ എഴുന്നേറ്റു. കണ്ണിലാകെ ഒരു മങ്ങൽ .. ഒന്നും വ്യക്തമല്ല... അവൻ തിരിഞ്ഞു നിന്നു.. മുറിയിലാകെ മഞ്ഞു പൊതിഞ്ഞത് പോലെ... തൊട്ടു മുന്നിലായി അവ്യക്തമായ ഒരു രൂപം...അത് മുറി വിട്ടു പുറത്തേക്ക് ഇറങ്ങി.. ഒരു സ്വപ്നത്തിലെന്ന പോലെ അയാൾ ആ രൂപത്തെ പിൻതുടർന്നു..

സ്വീകരണമുറിയിൽ എത്തിയപ്പോൾ വീണ്ടും ആ ശബ്ദം..

ഇരിക്കൂ..

ഒരു പാവയെപോലെ ചാരൻ കസേരയിൽ ഇരുന്നു. അപ്പോൾ അയാൾ കണ്ടു. ആ രൂപം തനിക്ക് തൊട്ടു മുന്നിലായി ഒരു സോഫയിൽ ഇരിക്കുന്നുണ്ട്... മുഖം വ്യക്തമല്ല...

പെട്ടന്ന് അയാൾ സംസാരിച്ചു തുടങ്ങി:

എന്റെ പേര് ജയശങ്കർ. ഞാൻ ഒരു ഫ്രീലാൻസ് പത്രപ്രവർത്തകനും ബ്ലോഗറും ..... ആയിരുന്നു.... 
ഇവിടെ കൊല്ലപ്പെട്ട രണ്ടു പേരിൽ ഒരാൾ ഞാനാണ്..... മറ്റെയാൾ...

നിശബ്ദതയെ ഭേദിച്ച് കൊണ്ട് പെട്ടന്ന് കോളിംഗ് ബെൽ മുഴങ്ങി...ഒരു മയക്കത്തിൽ എന്ന പോലെ ചാരനത് കണ്ടു... ആ രൂപം എഴുന്നേറ്റു പോയി വാതിൽ തുറക്കുന്നു...

മിസ്റ്റർ ജയശങ്കർ?

യെസ്?

ഹലോ മിസ്റ്റർ ജയശങ്കർ... ഞാൻ മാത്യൂസ് ഫ്രം കോൾടെൽ ... പുതിയ Data പ്ലാനുകളെ കുറിച്ച് അറിയാൻ വേണ്ടി നിങ്ങൾ ഞങ്ങളെ വിളിച്ചിരുന്നൂ...

ഓ .. ശരിയാണ്.. വരൂ മാത്യൂസ് ... ഇരിക്കൂ..

മാത്യൂസ് എന്ന മനുഷ്യൻ ചാരന്റെ അടുത്ത്, ജയശങ്കറിന് അഭിമുഖമായി ഇരുന്നു...അവർ സംസാരിക്കുകയാണ്... ഒരു മാർക്കട്ടിംഗ് എക്സിക്യൂട്ടിവും കസ്റ്റമറും തമ്മിലുള്ള സംസാരം...

ഒരു ഞെട്ടലോടെ ചാരൻ മനസ്സിലാക്കി: താൻ ഇപ്പോൾ ഇവരുടെ കൂടെ ഇല്ല... താൻ വേറെ ഏതോ ലോകത്താണ്... ഇവരിപ്പോൾ തന്നെ ശ്രദ്ധിക്കുന്നേയില്ല...!

അവർ സംസാരം തുടരുകയാണ്..

ജയശങ്കർ പതുക്കെ എഴുന്നേറ്റു. "മാത്യൂസ്.. ഞാൻ ചെക്ക് എടുത്തു വരാം..നിങ്ങൾ ഒരു നിമിഷം വെയിറ്റ് ചെയ്യൂ..

ജയശങ്കർ എഴുന്നേറ്റ് കിടപ്പ് മുറിയിലേക്ക് പോവുകയാണ്.... ചാരൻ മാത്യൂസിനെ ശ്രദ്ധിച്ചു...

മാത്യൂസ് എഴുന്നേറ്റ് ജയശങ്കർ പോയ വഴിയെ! ഒരു ഞെട്ടലോടെ ചാരൻ കണ്ടു: മാത്യൂസിന്റെ കയ്യിൽ ഒരു റിവോൾവർ...

ചാരൻ ചാടി എഴുന്നേറ്റു...  ഒരു വെടിശബ്ദം അയാൾ കേട്ടു...

ഓടി കിടപ്പ് മുറിയിൽ എത്തിയപ്പോൾ... ജയശങ്കർ താഴെ വീണു പിടയുകയാണ്... നിലത്താകെ ചോര...

ചാരൻ ഒന്ന് ചലിക്കാൻ കഴിയാതെ നിന്നു... അയാൾ മാത്യൂസിനെ ശ്രദ്ധിച്ചു..

മാത്യൂസ് അലമാരകൾ ഓരോന്നായി വലിച്ചു തുറക്കുകയാണ്... അയാൾ എന്തോ തിരയുന്ന പോലെ...

ഓരോ കിടപ്പ്മുറികളായി അയാൾ കയറി ഇറങ്ങുകയാണ്... 

മാത്യൂസ് ഒരു നിമിഷം നിന്നു. ചുമരിൽ പണിതിരിക്കുന്ന കുതിരലാടം അയാളുടെ ശ്രദ്ധയിൽ പെട്ടെന്ന് തോന്നുന്നു... അയാൾ അതിനെ സമീപിച്ചു..

മാത്യൂസ് ഇപ്പോൾ കുതിരലാടം ഇളക്കാൻ ശ്രമിക്കുകയാണ് ...

പെട്ടന്ന് വെടി പൊട്ടി... ചാരൻ ഒന്ന് നടുങ്ങി.... മുറിയിലെ പുകമറ ഒന്ന് അടങ്ങിയപ്പോൾ അയാൾ കണ്ടു...

റിവോൾവറുമായി  ജയശങ്കർ .. .!

ജയശങ്കർ ഒന്ന് കൂടെ ഫയർ ചെയ്തു...

മാത്യൂസ് നിലത്ത് വീണു പിടയുകയാണ്...

വേച്ച് വേച്ച് ജയശങ്കർ മുറി വിട്ടു പുറത്തിറങ്ങി...

ചാരൻ മാത്യൂസിനെ നോക്കി... പ്രാണവേദനയിൽ അയാൾ നിലത്തു കൂടെ ഇഴയുകയാണ്.... സ്വീകരണമുറിയിൽ എത്തിയതിനു ശേഷം ആ ശരീരം നിശ്ചലമായി...

ചാരൻ ജയശങ്കറിനെ അന്യേഷിച്ചു... അയാൾ എവിടെ... കിടപ്പുമുറിയിൽ നിന്നും ബാത്ത്റൂമിലേക്ക് നീളുന്ന ചോരപാടുകൾ ....

ഓടി ബാത്ത്റൂമിൽ ചെന്നു നോക്കിയപ്പോൾ ബാത്ത് ടബ്ബിൽ തല വച്ച് ജയശങ്കർ കിടക്കുകയാണ്. അനക്കമില്ല. കയ്യിലിരുന്ന റിവോൾവർ  ബാത്ത്ടബ്ബിൽ നിറച്ചു വച്ചിരുന്ന  വെള്ളത്തിൽ  വീണു കിടക്കുന്നു.

ബാത്ത്റൂം നിറയെ ചോരയാണ്...

ചാരൻ അലറി... ഒരു നിമിഷത്തെ നിശബ്ദതക്ക് ശേഷം... വീണ്ടും വീണ്ടും അയാൾ അലറി.... പിന്നെ പ്രധാനവാതിലിനു നേരെ കുതിച്ചു...

ഫ്ലാറ്റിലാകെ വെളിച്ചം തെളിഞ്ഞു.

ശബ്ദം കേട്ട് ഉറങ്ങിക്കിടക്കുകയായിരുന്നവർ ചാടി എഴുന്നേറ്റു....അവർ സ്വീകരണമുറിയിലേക്ക് കുതിച്ചു..

ചാരൻ പ്രധാനവാതിൽ തുറക്കാൻ തുടങ്ങിയ അതെ നിമിഷം... വാതിൽ തള്ളിത്തുറന്നു സാത്തും കൂടെ ഒരു അപരിചിതനും ഫ്ലാറ്റിനു അകത്തേക്ക് പ്രവേശിച്ചു....

ഒരു നിമിഷം, എല്ലാവരെയും നോക്കിയതിനു ശേഷം ചാരൻ മയങ്ങി വീണു....അടുത്ത് നിന്നിരുന്ന അഷ്ഫർ താങ്ങി.

ബാലേട്ടൻ മുഖത്ത് വെള്ളം തെളിച്ചപ്പോൾ ഒരു ഞരക്കത്തോടെ ചാരൻ ഉണർന്നു. ഒരു നീണ്ട ഉറക്കം കഴിഞ്ഞത് പോലെയാണ് അയാൾക്ക് തോന്നിയത്.

അടുത്ത് കിടന്നിരുന്ന ഐപാഡ് അയാൾ കടന്നെടുത്ത്. അത് ബാലേട്ടന് നേരെ നീട്ടിക്കൊണ്ട് ചാരൻ പറഞ്ഞു: ഉറക്കം വരാഞ്ഞപ്പോൾ ഇവിടെ നടന്ന കൊലപാതകങ്ങളെ കുറിച്ചുള്ള വാർത്തകൾ ഞാൻ വെറുതെ സർഫ് ചെയ്യുകയായിരുന്നൂ ... then ...

ബാലേട്ടൻ: Then..???

ചാരൻ: Something...something happened...

അഷ്ഫർ: ഡാ .. സത്യത്തിൽ നീ എന്താണ് കണ്ടത്?

ചാരൻ: The murders that happened here were recreated...may be...

അഷ്ഫർ: എന്ത്?

ബാലേട്ടൻ: താൻ അടിച്ച് ഓവറായിട്ട് എന്തൊക്കെയോ സ്വപ്നം കണ്ടതാ ...വിട്ടുകള... കീലേരി നല്ല ഒരു കടുംകാപ്പി ഇട്ടു തരും, അതും കുടിച്ച് ഉറങ്ങാൻ നോക്ക്... (എല്ലാവരോടുമായി): ഇയാള് അല്പ്പം വിശ്രമിക്കട്ടെ... നമുക്ക് പുറത്തേക്ക് ഇറങ്ങാം...

പുറത്തേക്ക് ഇറങ്ങിയപ്പോൾ, തന്റെ കൂടെ വന്ന ചെറുപ്പക്കാരനെ ചൂണ്ടി സാത്ത് പറഞ്ഞു: ഓ പരിചയപ്പെടുത്താൻ വിട്ടുപോയി... ഇത് ബ്രൂട്ടു. ഇതാണ് ഞാൻ പറഞ്ഞ പാരാനോർമൽ ഇൻവെസ്റ്റിഗേറ്റർ! പാരാനോർമൽ ഇൻവെസ്റ്റിഗേഷൻ എന്ന സംഭവം മലയാള സിനിമക്ക് നമ്മൾ ഈ പ്രൊജക്റ്റിലൂടെ പരിചയപ്പെടുത്താൻ പോവുകയാണ്.

എന്റെ കേരളം: ന്ദേ ... ഇത് സ്ക്രിപ്റ്റിൽ ഇല്ലല്ലോ...!

സാത്ത്: ഇല്ലായിരുന്നൂ. പക്ഷെ ഈ ഫ്ലാറ്റിനെ കുറിച്ചുള്ള പൊടിപ്പും തൊങ്ങലും വച്ച പല കഥകളും കേൾക്കാൻ ഇടയായപ്പോഴാണ് ഇങ്ങനെ ഒരു ഐഡിയ തോന്നിയത്. നമ്മൾ ചെയ്യാൻ പോകുന്ന മർഡർ മിസ്റ്ററിയിൽ നമുക്കീ എലമന്റ് കൂട്ടിച്ചേർക്കണം മിസ്റ്റർ ഈക്കെ...

എന്റെ കേരളം: അതിനു ഒരു പ്രൊഫഷനിലിന്റെ ഒക്കെ സഹായം തേടേണ്ട ആവശ്യമുണ്ടോ?

സാത്ത്: വളരെ യാദൃശ്ചികമായാണ് ഞാൻ ബ്രൂട്ടിനെ പരിചയപ്പെടുന്നത്. ഇദ്ദേഹത്തോട് ഇങ്ങനെ ഒരു ഫ്ലാറ്റിന്റെ കാര്യം പറഞ്ഞപ്പോൾ "ഒന്നു വന്നു കണ്ടോട്ടെ" എന്ന് എന്നോട് ചോദിച്ചു. ഞാൻ സമ്മതിക്കുകയും ചെയ്തു.

ബ്രൂട്ടു: പഴയ നാലുകെട്ടും, ഒറ്റപ്പെട്ടു കിടക്കുന്ന വീടുകളും ഒക്കെയാണ് ഒരു പാരനോർമൽ ഇൻവെസ്റ്റിഗെറ്റർ എന്ന നിലയിൽ എനിക്ക് അധികവും കിട്ടാറ്‌. പക്ഷെ നഗരമധ്യത്തിൽ കിടക്കുന്ന ഒരു ലക്ഷ്വറി അപ്പാർട്ടുമെന്റ്! This is quite different!! With your permission, I would like to do some preliminary checks.

തന്റെ ബാഗ് തുറന്നു ബ്രൂട്ട് ഒരു electro magnetic meter, night vision camera എന്നിവ പുറത്തെടുത്തു. ലൈറ്റ്സ് അണച്ചതിന് ശേഷം, അയാൾ ആ ഉപകരണങ്ങളുമായി ഓരോ മുറിയിലും കയറിയിറങ്ങാൽ തുടങ്ങി..

ഒരു മുപ്പതു മിനുട്ടിന് ശേഷം അയാൾ സ്വീകരണമുറിയിലേക്ക് തിരിച്ചെത്തി. ലൈറ്റ് തെളിച്ചതിനു ശേഷം, ബ്രൂട്ട് പറഞ്ഞു:

ഒരു ചെറിയ പ്രശ്നമുണ്ട്...

എന്താ? എന്താ പ്രശ്നം? - എല്ലാവരും ഒരുമിച്ചു ചോദിച്ചു

There is a huge dark cloud of negativity here. I am not able to work...

പെട്ടന്ന് അർജുനൻ പറഞ്ഞു: സാത്ത് സാറേ, നമുക്ക് വേറെ വല്ല വീടും നോക്കിയാലോ? ഇല്ലത്ത് എപ്പോഴും പേടിച്ചാ നടപ്പ് .. അവിടെ തൊടരുത്, ഇവിടെ നോക്കരുത്.. പഴയ ശക്തികൾ കുടി കൊള്ളുന്ന തറവാടാണേ .. ഇവിടെ ഈ സിറ്റില് വന്നിട്ടും ഒരു രക്ഷ ഇല്ലാന്ന് വച്ചാ.. ന്താ ചെയ്യാ?

ബ്രൂട്ട്: പേടിക്കേണ്ട.. മരിച്ചവരെ കുറിച്ചല്ല ഞാൻ പറഞ്ഞത്....

എന്റെ കേരളം: പിന്നെ?

ബ്രൂട്ട്: ജീവിച്ചിരിക്കുന്ന ഒരാൾ... അയാൾ spread ചെയ്യുന്ന negative force.. 

സാത്ത്: What you mean?

ബ്രൂട്ട്: നിങ്ങളുടെ ഇടയിൽ ഒരാൾ... ആരാണെന്ന് പറയാൻ എനിക്ക് കഴിയുന്നില്ല. അപകടകരമായ ഒരു ലക്ഷ്യവുമായാണ് അയാൾ ഇവിടെ എത്തിയിരിക്കുന്നത്... സൂക്ഷിക്കുക.. ഞാൻ ഇറങ്ങട്ടെ.... നമുക്ക് വീണ്ടും കാണാം...

(End of part 4)

PART 1
PART 2
PART 3

OPKP PART 3

ALSO READ
            OPKP 1
            OPKP 2

3

ലെയിക്ക് പ്ലാസിഡ് അപ്പാർട്ട്മെന്റ്നു മുന്നില് ഓട്ടോയിൽ വന്നിറങ്ങുന്ന ച്യാരനും അഷ്ഫറും. പതുക്കെ സംശയിച്ച് കൊണ്ട് റിസപ്ഷനിലേക്ക് കയറുന്ന രണ്ടുപേരും.

റിസപ്ഷനിലെ സെക്ക്യൂരിറ്റി ഗാർഡിനോട് ച്യാരൻ: ഫ്ലാറ്റ് നമ്പർ 7/13/3 -- ഞങ്ങള് വാടകയ്ക്ക് എടുത്തതാ

ഗാർഡ്, രണ്ടു പേരെയും സൂക്ഷിച്ചു നോക്കിയിട്ട്: സാറമ്മാര് ഇരുന്നാട്ടെ. ഒരു പത്തു മിനുട്ട് വെയിറ്റ് ചെയ്യണം..

ആർക്കോ തിരക്കിട്ട് ഫോണ്‍ ചെയ്യുന്ന ഗാർഡിനെ ശ്രദ്ധിച്ചുകൊണ്ട് സംശയത്തോടെ ച്യാരൻ: PAKC!

അഷ്ഫർ: എന്താ??

ച്യാരൻ: "പുല്ല്, അവന്റെ കോണോത്തെ കാലിഫോർണിയ" - ന്ന്

അഷ്ഫർ: ന്ദേ ...?

ച്യാരൻ: ഡാ ന്യൂ ജെൻ കോഡ് ആണ്.... പുശ്ചം വാരിവിതറാൻ തോന്നുമ്പോ ഇത് ഉപയോഗിക്കാം. ഓണ്‍സൈറ്റ് പോകാൻ ചാൻസ് മിസ്സായപ്പോൾ ഞാൻ സൃഷ്ടിച്ചതാണ്. വലിയ അർത്ഥമൊന്നുമില്ല...

ച്യാരൻ പറഞ്ഞു തീരുന്നതിനു മുമ്പ് അവിടേക്ക് ഇരച്ചെത്തുന്ന ഒരു ടവേറ SUV.

വണ്ടിയിൽ നിന്നും ഇറങ്ങുന്ന ഒരു സംഘം. അവർ റിസപ്ഷനിലെക്ക് കുതിക്കുന്നു...

ഗാർഡിനെ ചോദ്യഭാവത്തിൽ നോക്കുന്ന സംഘത്തിലെ പ്രധാനി, ഒരു 22 വയസ്സുള പെണ്‍കുട്ടി...

ഒന്നും മനസ്സിലാവാതെ മിഴിച്ചിരിക്കുന്ന ച്യാരനെയും അഷ്ഫറിനെയും ചൂണ്ടിക്കാട്ടുന്ന ഗാർഡ്

പെണ്‍കുട്ടി വേഗത്തിൽ നടന്ന് ച്യാരന്റെയും അഷ്ഫറിന്റെയും സമീപത്തെത്തി.

അഷ്ഫർ പെട്ടന്ന് ചാടി എഴുന്നേറ്റ്: സോറി കുട്ടീ... അത് കുട്ടിയുടെ ബാഗ് ആയിരുന്നോ? ഞങ്ങള് അറിഞ്ഞില്ല....

പെണ്‍കുട്ടി അത് ശ്രദ്ധിക്കാതെ, ഭവ്യതയോടെ: ഞങ്ങൾ ടൈംലൈൻ ചാനലിൽ നിന്നാണ്. ഒരു ഇന്റർവ്യൂ എടുത്തോട്ടെ?

ചമ്മുന്ന അഷ്ഫർ. അവൻ ച്യാരനെ തോണ്ടുന്നു: ച്യാരൻ ഗാർഡിനെ നോക്കുന്നു.

ഗാർഡ്: സാറ് ക്ഷമിക്കണം. ഇവര് രാവിലെ മുതല് വിളിയോട് വിളിയായിരുന്നൂ... ഫ്ലാറ്റ് നമ്പർ 7/13/3ൽ താമസിക്കാൻ പോകുന്നവരെ ഇന്റർവ്യൂ ചെയ്യാൻ പെർമിഷൻ വേണം... അവര് എത്ത്യാൽ അറിയിക്കണം എന്നൊക്കെ പറഞ്ഞ് ...

അഷ്ഫർ: അല്ല... ഇവിടെ വാടകയ്ക്ക് താമസിക്കാൻ വരുന്ന എല്ലാരെയും നിങ്ങള് ഇന്റർവ്യൂ ചെയ്യാറുണ്ടോ?

പെണ്‍കുട്ടി: രണ്ടു വർഷം മുമ്പ് പ്രമാദമായ ഒരു ഇരട്ടക്കൊല നടന്ന ഫ്ലാറ്റ് വീണ്ടും തുറക്കുമ്പോൾ അവിടെ എത്തുന്ന ആദ്യത്തെ താമസക്കാരല്ലേ സാർ നിങ്ങള്. അതാണ്‌ പ്രത്യേകത. കൂടാതെ നിങ്ങൾ ഇവിടെ താമസിക്കുന്നത് ഒരു സിനിമ കണ്‍സീവ് ചെയ്യാനാണ് എന്നും ഞങ്ങൾക്ക് വിവരം കിട്ടിയിട്ടുണ്ട്.

അന്യോന്യം നോക്കുന്ന ച്യാരനും അഷ്ഫറും -- രണ്ടു പേരുടെയും മുഖം വിളറിയിട്ടുണ്ട്. തങ്ങൾ താമസിക്കാൻ പോകുന്ന ഫ്ലാറ്റിന്റെ പൂർവ്വകാലചരിത്രം അവർ ആദ്യമായാണ്‌ അറിയുന്നത് എന്ന് വ്യക്തം.

ഗാർഡ്: ചേതമില്ലാത്ത ഒരു ഉപകാരമല്ലേ സാറേ... ഒരു രണ്ടു വാക്ക് അവരോട് ഒന്ന് സംസാരിച്ചേക്ക്.... ടീവീല് വരുന്നതല്ലേ...

അഷ്ഫർ: അതിനു കുട്ടീ ഞങ്ങള് അറിഞ്ഞി ...

ച്യാരൻ, ഇടക്ക് കയറി, അഷ്ഫറിനെ വിലക്കിക്കൊണ്ട്: അതെ ഞങ്ങള് അറിഞ്ഞിടത്തോളം ഇതൊരു കുഴപ്പം പിടിച്ച ഫ്ലാറ്റ് ഒന്നുമല്ല.. രണ്ടു കൊല്ലം മുമ്പ് നടന്ന ഒരു സംഭവം.. ഞങ്ങളത് കാര്യമാക്കുന്നില്ല.

പെണ്‍കുട്ടി ക്യാമറ ഓണ്‍ ചെയ്യാൻ ക്യാമറമാന് ആണ്ഗ്യം കൊടുത്തുകൊണ്ട്: അപ്പൊ തുടങ്ങാം. ഇത്രയും ദുരൂഹമായ ഇരട്ടക്കൊല നടന്ന ഫ്ലാറ്റുതന്നെ താമസിക്കാൻ തിരഞ്ഞെടുക്കാൻ എന്തെങ്കിലും പ്രത്യേകകാരണം?

ച്യാരൻ: അങ്ങിനെ ഒന്നുമില്ല. സമാധാനത്തോടെ ഞങ്ങളുടെ പ്രോജക്ട്ട് ഡിസ്ക്കസ് ചെയ്യാൻ ഒരു സ്ഥലം.. അത്രയേ ഞങ്ങൾ ഉദ്ദേശിച്ചുള്ളൂ...

പെണ്‍കുട്ടി: ഒരു നെഗറ്റീവ് എനെർജി എന്തായാലും അവിടെ കാണുമല്ലോ? സമാധാനമായി ഇരുന്നു ക്രിയേറ്റിവ് ആയിട്ടുള്ള ഒരു ജോലി ചെയ്യാൻ പറ്റുമെന്ന് കരുതുന്നുണ്ടോ?

ച്യാരൻ: കുട്ടി, "എമ്മേ ധവാൻ എമ്മേ ധവാൻ" എന്ന് കേട്ടിട്ടുണ്ടോ?

പെണ്‍കുട്ടി: അതാരാ?

ച്യാരൻ: ഹമ്മേ...എന്റെ മാനേജരാ! ആ അവതാരത്തിന്റെ കൂടെ ദിവസം 10 മണിക്കൂറു ചിലവഴിക്കുന്ന എനിക്ക്.. (ആറാം തമ്പുരാൻ സ്റ്റൈലിൽ) ഇതൊക്കെ ഒരു പൂ പറിക്കുന്ന പോലെ നിസ്സാരമായ കാര്യമാണ് കുട്ടീ..

പെണ്‍കുട്ടി: അപ്പോൾ നിങ്ങൾ പ്രേതങ്ങളിൽ വിശ്വസിക്കുന്നില്ലേ?

അഷ്ഫർ: മനുഷ്യന്മാരെ വിശ്വസിക്കാൻ പറ്റാത്ത കാലമാ.... പിന്നെയല്ലേ പ്രേതങ്ങളെ! ഇതൊക്കെ എന്ത്..!

പെണ്‍കുട്ടി: ഞാൻ ഉദ്ദേശിച്ചത്, കൊലപാതങ്ങൾ നടന്ന ഈ ഫ്ലാറ്റിൽ താമസിച്ച് മനസമാധാനത്തോടെ ജോലി ചെയ്യാൻ കഴിയും എന്ന് തോന്നുന്നുണ്ടോ?

അഷ്ഫർ: എന്റെ കുട്ടീ.... ഞങ്ങള് ഒന്ന് താമസം തുടങ്ങിക്കോട്ടെ.. പ്രേതങ്ങളെ കണ്ടുകിട്ടിയാൽ എക്സ്ക്ലൂസിവ് കുട്ടിക്ക് തന്നെ ഞങ്ങള് തരാം..പോരെ?

പെണ്‍കുട്ടിയും കൂടെയുള്ളവരും ചിരിക്കുന്നു. 

പെണ്‍കുട്ടി, എല്ലാവരോടുമായി: എന്നാൽ നമുക്ക് ഫ്ലാറ്റിലേക്ക് നീങ്ങാം. അടുത്ത കുറച്ചു ചോദ്യങ്ങൾ അവിടെ വച്ചാണ്.

പുറത്ത് ചെടിക്ക് വെള്ളം നനയ്ക്കുന്ന കുഞ്ഞമ്മു. ഒരു ഉണങ്ങിയ റോസ് അവൾ പറിച്ചു ദൂരെ എറിഞ്ഞു. മുള്ള് കൊണ്ട് ചെറുതായി ചോര പൊടിഞ്ഞു. അവൾ പതുക്കെ റിസപ്ഷൻ ലക്ഷ്യമാക്കി നടന്നു.

ച്യാരൻ, ചാനലിലെ പെണ്‍കുട്ടിയോടായി: ഇതെന്താ ഡോക്ക്യുമെന്ററിയോ?

പെണ്‍കുട്ടി: ഒരു കമ്പ്ലീറ്റ്‌ ഇന്റെർവ്യൂ ആണ് സാർ ഞങ്ങൾ പ്ലാൻ ചെയ്യുന്നത്. 

മനസ്സില്ലാമനസ്സോടെ തങ്ങളുടെ ബാഗ് കയ്യിലെടുത്ത് ഫ്ലാറ്റിലേക്ക് പോകാൻ തയ്യാറായി അഷ്ഫരും ച്യാരനും.

സെക്ക്യൂരിറ്റി, റിസപ്ഷനിലേക്ക് വരുന്ന കുഞ്ഞമ്മുവിനെ ശ്രദ്ധിക്കുന്നു. അയാൾ: എടീ കുഞ്ഞമ്മൂ ഈ സാറമ്മാർക്ക് ആ ഫ്ലാറ്റിലേക്കുള്ള വഴി ഒന്ന് കാട്ടിക്കൊടുത്തെ....

കുഞ്ഞമ്മുവിനെ പിന്തുടരുന്ന സംഘം

**********

ഫ്ലാറ്റ് - INTERIOR

ഫ്ലാറ്റിനു അകത്ത് ഇരുട്ട് പരന്നിരുന്നു. ലൈറ്റ്സ് ഓരോന്നായി ഓണ്‍ ചെയ്യുന്ന കുഞ്ഞമ്മു.

അഷ്ഫർ: ചുറ്റും നോക്കിക്കൊണ്ട്: ഇതത്ര സ്ക്വയർ ഫീറ്റ് കാണും? ചുരുങ്ങിയത് ഒരു രണ്ടായിരം? ലക്ഷ്വറി തന്നെ മച്ചൂ ലക്ഷ്വറി..

പെട്ടന്ന് മൊബൈൽ നോക്കിക്കൊണ്ട് അഷ്ഫർ: ഡാ എന്റെ കേരളത്തിന്റെ വാട്ട്സപ്പ് മെസേജ്... ഇതൊന്നു നോക്കിയേ...

മെസേജ് വായിക്കുന്ന ച്യാരൻ: "Guys, me and Balettan on the way. And we got a teacher with us. please cooperate.."

ച്യാരൻ, പേടിയോടെ, പതുക്കെ അഷ്ഫറിനോടായി: ഡാ ഇയാളിത് ചളമാക്കും. ഏതോ ടീച്ചറെയും പൊക്കിക്കൊണ്ടാണ് രണ്ടും വരുന്നത്.. ഛെ

അഷ്ഫർ: ഡാ അവര് ടീച്ചറെയും കൊണ്ട് ഇങ്ങെത്തുന്നതിനു മുമ്പ് ഈ ചാനല് കാരെ ഒഴിവാക്കണം.. അല്ലേൽ പ്രശ്നാ,,,

ച്യാരാൻ, reporter പെണ്‍കുട്ടിയോടായി: Could you make it fast please?

പെണ്‍കുട്ടി: Sure! ആഹ്ലാപൂർവ്വം: We are the only channel which has got the permission to shoot this interior. Really an exclusive ..!

അവൾ തുടരുന്നു: രണ്ടു ഷോട്ട്സ് ആണ് നമ്മൾ പ്ലാൻ ചെയ്യുന്നത്. ഒന്ന് ഒരു മൃതദേഹം കിടന്നിരുന്ന ഈ സെന്റർ ഹാളിൽ. മറ്റേ ഷോട്ട് രണ്ടാമത്തെ മൃതദേഹം കിടന്നിരുന്ന മുഖ്യ കിടപ്പ് മുറിയുടെ ബാത്ത്റൂമിൽ വച്ച്. ഓക്കെ അല്ലെ?

ച്യാരന്റെ മുഖം മാറുന്നു. ഇതൊക്കെ പുതിയ അറിവുകളാണ്.

ഷൂട്ടിങ്ങിന്റെ വിവിധ ദൃശ്യങ്ങൾ കുഞ്ഞമ്മുവിന്റെ കണ്ണുകളിലൂടെ... അവളുടെ മുഖത്ത് ഒരു പ്രത്യേകഭാവം.

ഫ്ലാറ്റിന്റെ ഉൾവശം മുഴുവൻ ഷൂട്ട് ചെയ്യുന്ന സംഘം. അതിനു ശേഷം ബാത്ത്റൂമിൽ നിന്നും പിന്നെ സെന്റർ ഹാളിൽ നിന്നും ഇന്റർവ്യൂസ്. ചോദ്യങ്ങൾക്ക് ഉത്തരം പറയുന്ന ച്യാരനും അഷ്ഫരും.

വീണ്ടും സെന്റർ ഹാൾ -- പാക്കപ്പ് ടൈം.

ബാത്ത്റൂമിലെ ഷൂട്ടിനു ശേഷം അവിടുത്തെ ക്യാമറ പൊക്കി എടുത്ത് പുറത്തേക്ക് വരാൻ തുടങ്ങുന്ന ക്യാമറമാൻ.

അയാളെ തടഞ്ഞുകൊണ്ട് കുഞ്ഞമ്മു. അവൾ സംസാരിച്ചു: സാറ് പുറത്തേക് ഇറങ്ങിക്കോ. ക്യാമറ ഞാൻ പാക്ക് ചെയ്തു തരാം.

ക്യാമറമാൻ പുറത്തേക്ക് ഇറങ്ങിയതിനു ശേഷം ക്യാമറ കയ്യിലെടുക്കുന്ന കുഞ്ഞമ്മു. അവളുടെ കയ്യിൽ ഭാരമുള്ള ക്യാമറ ഒരു പുഷ്പം പോലെ കിടന്നു. അവൾ അതിനെ ഒന്നു തഴുകി...പിന്നെ പുറത്തേക്ക് നടന്നു...

സെന്റർ ഹാളിൽ പാക്കപ്പിന്റെ തിരക്കിൽ ചാനൽ ക്രൂ. അവളാ ക്യാമറ അവരുടെ സമീപം വച്ച് മാറി നിന്നു.

പെട്ടന്ന് കറന്റ് പോയി ...

ഒരു നിമിഷത്തെ നിശബ്ദത...

അതിനെ ഭേദിച്ച് കൊണ്ട് സെന്റർ ഹാളിൽ നിന്നും പുരുഷസ്വരത്തിലുള്ള ഒരു കരച്ചിൽ...പിന്നെ അതൊരു ചിരിയായി മാറി... പൊട്ടിച്ചിരി...

ഭയന്ന് പോയ സംഘം ... ച്യാരൻ, അഷ്ഫർ ...ഒന്ന് നിലവിളിക്കാൻ പോലും ശക്തിയില്ലാതെ...

അതൊന്നും ശ്രദ്ധിക്കാതെ ഫ്ലാറ്റിൽ നിന്നും പുറത്തിറങ്ങി ഇടനാഴിയിലൂടെ നടന്നകലുന്ന കുഞ്ഞമ്മു...

ഒരു നിമിഷാർധനേരത്തേക്ക് കറന്റ് വീണ്ടും വന്നു. ആ വെളിച്ചത്തിൽ സെന്റർ ഹാളിലുള്ളവർ ആ കാഴ്ച കണ്ടു: ദേഹമാസകലം ചോര ഒലിപ്പിച്ചു കൊണ്ട് ഒരു പുരുഷരൂപം... പിന്നെ വീണ്ടും കറന്റ് പോയി..

കൂട്ടനിലവിളി... ഫ്ലാറ്റിൽ നിന്നും ഇറങ്ങിയോടുന്ന ചാനൽ ക്രൂ, കൂടെ ച്യാരൻ, അഷ്ഫർ ...

ലിഫ്റ്റിനു കാത്തുനിൽക്കാതെ സ്റ്റെയർകേസിലൂടെ അവർ താഴേക്ക്...

താഴെ ലോണിലൂടെ പ്രധാന ഗേറ്റിനു നേരെ കുതിക്കുന്ന ചാനൽ ക്രൂ. സെക്ക്യൂരിട്ടിയെ തിരയുന്ന ച്യാരനും അഷ്ഫറും.

പെട്ടന്ന് ച്യാരന്റെ ഫോണ്‍ ശബ്ദിച്ചു.

ആരാന്നു പോലും നോക്കാതെ ഫോണ്‍ അറ്റൻഡ് ചെയ്യുന്ന ച്യാരൻ.

ഹലോ

ഹലോ എടാ ച്യാരാ... ഇത് ഞാനാ സാത്ത് .. പ്ലീസ് കംബാക്ക് ...

ന്ദേ ..! എടൊ മനുഷ്യാ..നിങ്ങ എവിടാ? എന്തിനാ ഇപ്പ തംബാക്കു?

എടാ ഫ്ലാറ്റിലേക്ക് തിരിച്ചു വാന്ന് ... കംബാക്ക്, കംബാക്ക് റ്റു ദി ഫ്ലാറ്റ്

ന്ദേ കംബാക്കോ? അപ്പ നിങ്ങ അവിടെ ഉണ്ടോ?

ഫോണ്‍ കട്ടാകുന്നു.

ഒരു നിമിഷം സംശയിച്ചു നിന്ന ശേഷം ഫ്ലാറ്റിലേക്ക് ലിഫ്റ്റ്‌ വഴി തിരിച്ചു പോകുന്ന ച്യാരനും അഷ്ഫറും.

വാതിൽ തുറന്നു കിടക്കുന്നുണ്ട്. ഉള്ളിൽ ഇപ്പോൾ വെളിച്ചമുണ്ട്...

സെന്റർ ഹാളിൽ സാത്ത്. കൂടെ ഒരു ചെറുപ്പക്കാരൻ. ദേഹമാസകലം ചോര എന്ന് തോന്നിപ്പിക്കുന്ന ചുവന്ന ചായം കോരി ഒഴിച്ചിട്ടുണ്ട്. കക്ഷി ചിരി അടക്കാൻ കഴിയാതെ കഷ്ടപ്പെടുകയാണ്.

ച്യാരനും അഷ്ഫറും രണ്ടു പേരെയും കുറച്ചു നേരം മാറി മാറി നോക്കി...അവർക്ക് കാര്യം മനസ്സിലായി.

ച്യാരൻ: സാത്ത് സാർ ... ഇതൊരുമാതിരി ചെയ്ത്തായിപ്പോയി. ആ പോയവന്മാരിൽ ആരെങ്കിലും പനി പിടിച്ച് ചത്താൽ താങ്കൾ ഉത്തരം പറയേണ്ടി വരും.

സാത്തിന്റെ മുഖത്ത് ഒരു ന്യൂട്രൽ എക്സ്പ്രെഷൻ. നിർവ്വികാരത.

സാത്ത്, ബ്ലഡ്‌ കോസ്റ്റ്യൂമിൽ നില്ക്കുന്ന യുവാവിനെ ചൂണ്ടി: മീറ്റ് മിസ്റ്റർ കുട്ടമ്മാഷ്. ഇവിടെ അടുത്താണു വീട്. നമ്മുടെ സ്റ്റിൽ ഫോട്ടോഗ്രാഫർ.

അഷ്ഫർ: അല്ല എന്താണ് ഉദ്ദേശം?

ച്യാരൻ: ആ ചാനല്കാര് സത്യമറിഞ്ഞാൽ വല്ല കേസിനും പോകും ഹേ

സാത്ത്: ഇതിലും വലിയ ഡ്രാമാറ്റിക്ക് ലോഞ്ച് നമ്മുടെ പടത്തിനു കിട്ടാനുണ്ടോ? ഒരു കേസിനും പോകില്ലെട ച്യാരാ.... നോക്കിക്കോ സോഷ്യൽ മീഡിയ ഇതൊരു ആഘോഷമാക്കും ...എങ്ങനുണ്ട്?

കുട്ടമ്മാഷ് സാത്തിന്റെ കൈ പിടിച്ചു കുലുക്കിക്കൊണ്ട്: സമ്മതിച്ചു മാഷെ.. നിങ്ങ പുലിയാണ് കേട്ടാ...

സാത്ത്: എന്റെ ഫെയിസ്ബുക്ക് പോസ്റ്റുകൾ പത്രവാർത്തയായി, സോഷ്യൽ മീഡിയയിലെ വിഡ്ഢികൾ അങ്ങോട്ടും ഇങ്ങോട്ടും കടിച്ചു കീറുന്ന ആ ദിവസം... അതാണ് ഞാൻ സ്വപ്നം കാണുന്ന ഇന്ത്യ...

അഷ്ഫർ: പുലിയുടെ കാര്യം പറഞ്ഞപ്പോഴാണ് ഓർത്തത് ... ഒരു ആടിനെ തിന്നേണ്ട വിശപ്പുണ്ട്... വല്ലോം കിട്ടുമോ?

പെട്ടന്ന് സാത്തിന്റെ ഫോണ്‍ ശബ്ദിക്കുന്നു. ഫോണിൽ ഒരു നിമിഷം സംസാരിച്ചതിനു ശേഷം സാത്ത് മറ്റുള്ളവരോടായി: ബാലേട്ടനും എന്റെ കേരളം വിനോദ് കുമാറും താഴെ എത്തിയിട്ടുണ്ട്...

ച്യാരൻ, അല്പ്പം പതർച്ചയോടെ: സാത്തേ സംഗതി വശപ്പിശകാ .. ആ EK ഏതോ ടീച്ചറെയും പൊക്കിക്കൊണ്ടാണ് വന്നിരിക്കുന്നത്...

കുട്ടമ്മാഷ്: അയ്യോ, എന്റെ കലൂർ പള്ളി ഗണപതി മുതലിയാരേ... എന്റെ കല്ല്യാണം ഒക്കെ വരുന്നതാ... ഈ ചുവപ്പ്കളറ് ഒന്ന് കഴുകിയിട്ട് ഞാനങ്ങു പോകും.. ഗുഡ് ബൈ..

കോളിംഗ് ബെൽ മുഴങ്ങുന്നു. മുഖം ഒക്കെ ഒന്ന് തുടച്ചു, മുടി ഒക്കെ ഒതുക്കുന്ന ച്യാരൻ. മുഖത്ത് ടെൻഷൻ. സാത്ത് പോയി വാതിൽ തുറക്കുന്നു..

ആദ്യം കാണുന്നത് ഒരു ബോട്ടിൽ

ടീച്ചേർസ് വിസ്ക്കി ... !

കുപ്പി ഉയർത്തിപിടിച്ചു കൊണ്ട് എന്റെ കേരളം പ്രവേശിക്കുന്നു, പുറകിലായി ബാലേട്ടൻ ..

സാത്ത്, ച്യാരനോടായി: ദാ നെന്റെ ടീച്ചർ എത്തിയിട്ടുണ്ട്... സമാധാനയല്ലോ?

എന്റെ കേരളം: ഹോഹോഹിഹി ... എങ്ങനെയുണ്ട് .. എങ്ങനെയുണ്ട് ? അല്ല ഒരു അവതാരത്തെ പരിചയപ്പെടുത്താൻ മറന്നു. ഇതാണ് നമ്മടെ PRODUCER ബാലേട്ടൻ. നിങ്ങളെല്ലാം ഓണ്‍ലയിനിൽ പരിചയപ്പെട്ടതല്ലേ ഉള്ളൂ.. നേരില് ആദ്യായി കാണാനുള്ള ഭാഗ്യം എനിക്കായിരുന്നു...

ബാലേട്ടൻറെ കൈ പിടിച്ചു കുലുക്കിക്കൊണ്ട് സാത്ത് എന്റെ കേരളത്തോട്: അതുകൊണ്ട് any side effects?

എന്റെ കേരളം, എന്തോ ഓർമ്മിച്ചുകൊണ്ട്: ഹേ .. ഇല്ലില്ല..പക്ഷെ കുറച്ചു special effects ഉണ്ടായിരുന്നൂട്ടോ ...ഹിഹിഹി

ബാലേട്ടൻ എല്ലാവരെയും ഒന്ന് നോക്കിക്കൊണ്ട്: കീലേരി എത്തിയില്ല അല്ലെ? ഫുഡ് ഒരു പ്രശ്നമാകുമോ?

അഷ്ഫർ: അയ്യോ...

കിട്ടിയ അവസരം മുതലാക്കിക്കൊണ്ട് ച്യാരൻ: ചാനലിലൊക്കെ നമ്മടെ സിനിമേടെ വാർത്ത വരുന്നത് പ്രമാണിച്ച് ഇന്നത്തെ ഡിന്നർ സാത്ത് സാറിന്റെ വക... എവിടെ സാത്ത് സാർ എവിടെ?

ചുറ്റും നോക്കിക്കൊണ്ട് ബാലേട്ടൻ: അല്ല ഇവിടെ ഉണ്ടായിരുന്നല്ലോ .. എവിടെ? സാത്ത് എവിടെ?

എന്റെ കേരളം, റൂമുകളിൽ ഒക്കെ കയറി നോക്കിയതിനു ശേഷം: മുങ്ങി മോനെ.. സാത്ത് സാർ മുങ്ങി...

പെട്ടന്ന് ച്യാരന്റെ ഫോണ്‍ ശബ്ദിച്ചു. ച്യാരൻ ഫോണ്‍ എടുത്തു, ലൌഡ് സ്പീക്കറിൽ ഇട്ടു കൊണ്ട്: അല്ല സാത്ത് സാർ, നിങ്ങളിത് എവിടെ പോയി?

സാത്ത്: അതെ.. ഞാൻ ഒരാളെ കാണാൻ ഇറങ്ങിയതാ.. ഭക്ഷണം എന്താന്നു വച്ചാൽ...

ച്യാരൻ: വച്ചാൽ...?

സാത്ത്: ഓർഡർ ചെയ്ത്....

ച്യാരൻ: ഓർഡർ ചെയ്ത്....?

സാത്ത്: അതിന്റെ കാശ് കൊടുത്തെക്കണം. എന്റെ പങ്ക് അവിടെ വച്ചേക്ക്... ഞാൻ വന്നിട്ട് കഴിച്ചോളാം...

ഫോണ്‍ ഡിസ്ക്കനക്ട്ട്.

************

TIMELINE ചാനൽ ഓഫീസ്...

പ്രൊഡക്ഷൻ റൂമിൽ ച്യാരനെ ഇന്റര്വ്യൂ ചെയ്ത പെണ്‍കുട്ടിയും വേറെ കുറച്ചു പേരും...അവിശ്വസനീയമായ എന്തോ കണ്ടത് പോലുള്ള ഭാവം എല്ലാരുടെയും മുഖത്ത് ...

ഓണ്‍ലൈൻ എഡിറ്റർ: ഞാൻ പറയുന്നത് സത്യമാണ്. നിങ്ങൾ Lake Placid ഷോട്ട്സ് എന്ന് പറഞ്ഞു തന്ന ഡ്രൈവ് ശൂന്യമായിരുന്നു മാഡം. അതിൽ ഒന്നും ഉണ്ടായിരുന്നില്ല... ചിലപ്പോ എല്ലാം ഇറെസ് ആയിപ്പോയതാവാം... may be some virus...?

പെണ്‍കുട്ടി ഷോക്കിലാണ് .. അവള്ക്ക് അത് വിശ്വസിക്കാൻ ..കഴിയുന്നില്ല..

ക്യാമറമാൻ -- അയാൾ കരച്ചിലിന്റെ വക്കിലാണ്...

ഫോണ്‍ ശബ്ദിച്ചു...പെണ്‍കുട്ടി ഫോണ്‍ കടന്നെടുത്തു. ന്യൂസ് എഡിറ്ററുടെ ശബ്ദം: It is late now. Are we running the Lake Placid story tonight or not? Come on.. tell me..

പെണ്‍കുട്ടി: No sir. We can not. It is a haunted place. The whole story is haunted...I am so sorry..

ഫോണ്‍ താഴെ വച്ച് അവൾ വീണ്ടും തല താഴ്ത്തി ഇരുന്നു...

*************

രാത്രി - ഏറെ വൈകി. Lake Placid ഫ്രന്റ്‌ ഗേറ്റ്. കീലേരി ഒരു ഓട്ടോയിൽ വന്നിറങ്ങുന്നു. കനത്ത മഴ.

ഒരു കുട ചൂടിക്കൊണ്ട് ഓടി വന്നു പാസഞ്ചർ ഗേറ്റ് തുറന്നു കൊടുക്കുന്ന ഗാർഡ്. ഗാർഡിനോട്‌ എന്തോ സംസാരിച്ച ശേഷം, അയാള് കൊടുത്ത രെജിസ്റ്റരിൽ പേര് എഴുതി അകത്തേക്ക് പോകുന്ന കീലേരി.

ലിഫ്റ്റ്‌ ലക്ഷ്യമാക്കി നടക്കുന്ന കീലേരി. പെട്ടന്ന് കറന്റ് പോകുന്നു.

കൂരിരുട്ട്...

പുറകിൽ ഒരു കാലടി ശബ്ദം. ടോർച്ച് തെളിച്ചു കൊണ്ട് ഒരു രൂപം. ഒരു ഗാർഡ് ആണ്. കീലേരിക്ക് വെളിച്ചം കാട്ടിക്കൊണ്ട് മുന്നേ നടക്കുന്ന ഗാർഡ്.

കീലേരി: സഹായത്തിനു നന്ദി. ഇവിടെ ജനറേറ്റർ ഇല്ലേ?

ഗാർഡ്: ഡീസൽ തീർന്നിരിക്കുകയാണ് സാർ. വാങ്ങിക്കാൻ ആള് പോയിട്ടുണ്ട്...

കീലേരി: അപ്പൊ ലിഫ്റ്റ്‌ ?

പെട്ടന്ന് മുന്നിലെ പ്രകാശം അണഞ്ഞു. വീണ്ടും ഇരുട്ട്.

കീലേരി: എടൊ എന്ത് പറ്റി ?

മറുപടി ഒന്നുമില്ല. തന്റെ പുറകിൽ ആരോ നില്ക്കുന്നത് പോലെ കീലേരിക്ക് തോന്നി... വളരെ അടുത്ത്. ഉച്ച്വാസം കഴുത്തിൽ പതിയുന്നുണ്ടോ?

ലിഫ്റ്റ് ഉപയോഗിക്കുന്നത് കുറയ്ക്കണം. സ്റ്റെപ്പുകൾ കയറാൻ ശീലിക്കണം. ലീഡ് എ ഹെൽത്തി ലൈഫ് മാൻ...

ചെവിയിൽ പതുക്കെ ആരോ മന്ത്രിച്ചു....

കീലേരി ഞെട്ടിത്തിരിഞ്ഞു... ഇല്ല ആരുമില്ല... വെറും തോന്നലാണോ? ആ ശബ്ദം വ്യക്തമായി കേട്ടതാണല്ലോ...

And yes, always try to use some tools for protection. Like.. a knife, a torch...and avoid these situations my boy..

പുറകിൽ നിന്നും വീണ്ടും ആ ശബ്ദം...

ഒരു നിമിഷാർധം ... ബാഗിൽ നിന്നും കീലേരി ഗണ്‍ വലിച്ചെടുത്തു.... അയാൾ അലറി: കത്തിയും ടോർച്ചും ഒന്നുമല്ല... ഗണ്‍ ഉണ്ടെടാ ഗണ്‍.. കാച്ചിക്കളയും പന്നീ... കളിക്ക്വാ നീയ്?

പെട്ടന്ന് ലൈറ്റ് വന്നു. കീലേരി ചുറ്റും നോക്കി.. ആരുമില്ല.. പെട്ടന്ന് ആരോ ഓടി അകലുന്ന ശബ്ദം.. ആ ദിശ ലക്ഷ്യമാക്കി കീലെരിയും ഓടി..

കീലേരി വ്യക്തമായി കണ്ടു.. തൊട്ടു മുന്നിലായി വെള്ള വസ്ത്രം ധരിച്ച ഒരു രൂപം... അത് ഫ്രന്റ്‌ ഗേറ്റിനു നേരെ ഓടുകയാണ്...

ഒരു കുതിപ്പ്..

ആ രൂപം കീലേരിയുടെ കയ്യിലമർന്നു ..

കീലേരി ആ രൂപത്തെ തിരിച്ചു നിർത്തി. മഴയത്ത് നനഞ്ഞു കുതിർന്ന ഒരു ചെറുപ്പക്കാരൻ. പേടികൊണ്ട് വിറക്കുന്നുണ്ട് ..

വിക്കി വിക്കി ചെറുപ്പക്കാരൻ പറഞ്ഞു: എന്നെ ഒന്നും ചെയ്യരുത്....

കീലേരി: ആരാടാ നീയ്? നാടകക്കാരനാ? ആളെ ഊളയാക്ക്വാ?

ചെറുപ്പക്കാരൻ: അയ്യോ സാർ .. ഞാനൊന്നും അറിയില്ല... എന്നെ ഒന്നും ചെയ്യരുത്....

പെട്ടന്ന് അവിടേക്ക് ഓടി വരുന്ന ഒരു ഗാർഡ്: എന്താ സാർ , എന്താ കാര്യം?

കീലേരി, ഗാർഡിനോടായി: എടൊ കറന്റ് പോയപ്പോൾ ടോർച്ചും കൊണ്ട് താൻ ഒരു ഗാർഡിനെ എന്റടുത്തെക്ക് അയച്ചിരുന്നില്ലേ? അയാൾ എവിടെ?

ഗാർഡ്: അയ്യോ സാർ, ഞങ്ങൾ ആരെയും അയച്ചില്ലല്ലൊ. ജെനറേറ്റർ പ്രവർത്തിപ്പിക്കുന്ന തിരക്കിലായിരുന്നൂ എല്ലാവരും..

കീലേരി, അയാൾക്ക് അതൊരു ഷോക്ക് ആണ്. ഒരു നിമിഷം എടുത്തതിനു ശേഷം, തന്റെ മുന്നില് നിന്ന് വിറയ്ക്കുന്ന ചെറുപ്പക്കാരനെ ചൂണ്ടി കീലേരി ഗാർഡിനോട്‌ ചോദിച്ചു: ഇവനേതാടോ?

ഗാർഡ്: സാറിനു പോകേണ്ടിയിരുന്ന അതെ ഫ്ലാറ്റിലേക്ക് വന്ന വേറെ ഒരു വിസിറ്ററാ .. സാറ് അകത്തേക്ക് വന്ന ഉടനെയാണ് ഇയാൾ എത്തിയത്... സാറിന്റെ പുറകെ വിട്ടോളാൻ ഞാനാ പറഞ്ഞത്. അപ്പോഴാ കറന്റ് പോയത്.

കീലേരി, സംശയത്തോടെ ചെറുപ്പക്കാരനോട്: താനെന്തിനാ പിന്നെ എന്നെ കണ്ടപ്പോൾ ഓടിയത്...

ചെറുപ്പക്കാരൻ, ഭയം വിട്ടുമാറാത്ത മുഖവുമായി, ചുറ്റും നോക്കിക്കൊണ്ട്: ഇരുട്ടത്ത് ആരോ എന്റെ കഴുത്തിനു പിടിച്ചു ... ഞാനൊരുവിധത്തിൽ കുതറി ഓടുകയായിരുന്നു..അപ്പൊ ലൈറ്റ് വന്നു... അപ്പോഴാ താങ്കള് എന്റെ പുറകെ ഓടി വരുന്നത് കണ്ടത്...

കീലേരി: എന്താ തന്റെ പേര്?

ചെറുപ്പക്കാരൻ: നമ്പൂതിരി..... അർജുനൻ നമ്പൂതിരി...

(End of part 3)

OPKP 1

OPKP 2